Bir ayol Instagramʼdagi jonli efirda “qishloqilar odammas” deya viloyatliklarni haqoratlagani aks etgan video tarqaldi. Toshkent shahar sudlari “Daryo”ga holat yuzasidan sud qarorini taqdim etdi.
Maʼlum qilinishicha, A.S. 2023-yil oktyabrida Instagram’da jonli efir orqali viloyatliklar haqida haqoratomuz fikr bildirgan. Bu bo‘yicha o‘tkazilgan sudda ayol aybiga qisman iqrorlik bildirib, bir yigit unga haqoratli so‘zlar bilan yozgani, shu sababli jahli chiqib, ushbu gaplarni unga yo‘naltirib gapirganini taʼkidlagan.
Shuningdek, bu gaplar bitta shaxsga nisbatan aytilganini, bu holat yuzasidan xalqning ko‘p eʼtirozlari sababli tegishli joyda kechirim so‘rab tushuntirish berganini aytib, o‘ziga yengillik so‘radi.
Sud ayol ikkinchi guruh nogironi ekanini inobatga olib jazo tayinlagan. Sud qarori bilan huquqbuzar ayol Ma’muriy javobgarlik to‘g‘risidagi kodeksning 41-moddasi (haqorat qilish) bilan aybli deb topilib, unga BHMning 20 baravari (6,8 million so‘m) miqdorida jarima jazosi tayinlangan.
Izoh (0)