Наманган вилоятида давлат рақами ечиб олинган Lacetti’ни хавфли манёврлар билан бошқарган йигитга чора кўрилди. Бу ҳақда вилоят ИИБ Йўл ҳаракати хавфсизлиги бошқармаси хабар берди.
Ижтимоий тармоқларда автомобиль давлат рақами белгисини ечиб олиб, авария ҳолатини келтириб чиқарувчи ҳаракатлар билан бошқарилган транспорт воситасининг видеоси тарқалди. Наманган вилояти ИИБ ЖХХ Йўл ҳаракати хавфсизлиги бошқармаси ходимлари томонидан олиб борилган суриштирув ишлари натижасида ушбу автомобиль топилган.
Инспекторлар томонидан 19 ёшли ҳайдовчининг қоидабузарлигига нисбатан маъмурий баённома расмийлаштирилиб, транспорт воситаси жарима майдонига жойлаштирилган.
Янгиқўрғон йўналишида давлат рақами ечилган ҳолатда юриб кетаётганимда ёнимда шеригим видеога олди. Видео ижтимоий тармоқларда тарқалиб кетиб қолди, — дейди қоидабузар ҳайдовчи.
Аввалроқ Тошкентда соатига 180 км тезликда ҳаракатланган BYD ва Tahoe ҳайдовчиларига чора кўрилгани тўғрисида хабар берилганди.
Изоҳ (0)