“Узуклар ҳукмдори” трилогиясида Фродо Беггинс образини яратган актёр Элайжа Вуд Business Insider нашрига берган интервьюсида мазкур миллиардлаб даромад келтирган лойиҳадаги иштирокидан олган гонорари унга “бутун умр молиявий муаммоларсиз яшаш имконини бермагани”ни тан олди. Бу ҳақда “Правила жизни” хабар берди.
Актёрнинг сўзларига кўра, бунинг асосли сабаблари бор. Биринчидан, ўша вақтда фильмни ишлаб чиқариш жараёни жуда фаол ва кенг кўламда олиб борилган:
Биз бир эмас, балки бирданига учта фильмни суратга олаётганимиз учун ҳар бир қисмнинг машҳурлигига қараб шартномаларни қайта кўриб чиқиш имконимиз бўлмаган. Бошқача қилиб айтганда, Фродо роли менга бутун умрга етадиган молиявий мустақилликни кафолатлайдиган даромадли лойиҳа эмас эди, деди Вуд.
Бироқ кичик гонорар туфайли актёр хафа бўлмаган, чунки унинг фикрича, мазкур трилогия кино ихлосмандлари учун абадий яхши лойиҳалардан бири бўлиб қолади:
“Узуклар ҳукмдори” мен учун бебаҳо тажриба, шунинг учун ҳеч нарсадан афсусланмайман, дея изоҳ берди актёр.
Бундан ташқари, фильм унга ва бошқа иштирокчиларга пулдан кўра кўпроқ ютуқ берган, жумладан, Элайжа Вуд кино соҳасидаги фаолиятини муваффақиятли тарзда давом эттирган,ўзининг SpectrэVision номли кинокомпаниясини ташкил қилган ва ҳозирда фаол равишда фильмлар суратга олиш билан шуғулланмоқда.
Аввалроқ “Узуклар ҳукмдори”да Галадриэл образини ижро этган Кейт Бланшетт ҳам гонорар мавзуси ҳақида сўз очган эди. Актриса Watch Wҳат Ҳаппенс Ливе теледастурига берган интервьюсида яратган образидан “ҳеч ким ҳеч қанча пул ишламаган”ини айтди. У ҳеч ким катта пул топмаганини, ўзи эса фақат бепул сендвичлар ва образидаги элфларга хос қулоқларни сувенир сифатида олгани ҳақида сўзлаб берган.
Изоҳ (0)