АПЛ. «Манчестер Сити» «Вулверҳэмптон» билан баҳс олиб боради, «Манчестер Юнайтед» аутсайдер меҳмони бўлади
«Манчестер Сити» — «Вулверҳэмптон», 11 декабрь, 17:30
«Шаҳарликлар» 15-турдан сўнг АПЛ жадвалида биринчи ўринни эгаллаб турибди. Жамоа ҳисобида 35 очко мавжуд. Ўтган ҳафтада Хосеп Гвардиола шогирдлари «Челси»ни ортда қолдирди.
«Манчестер Сити» Англия чемпионатида кетма-кет 5 ўйиндан буён ғалаба қозонаётган бўлса ҳам Пеп шогирдларининг ўйинидан норози. Бир неча кун олдин жамоа Чемпионлар Лигасида «Лейпциг»га 1:2 ҳисобида имкониятни бой бериб қўйди. Шунга қарамасдан инглиз жамоаси гуруҳда биринчи ўринни эгаллаб, плей-оффга йўл олди.
«Манчестер Сити» ушбу мавсумда уй учрашувларининг 11 тасидан 9 тасида ғалаба қозонган.
«Вулверҳэмптон» 21 очко билан 8-поғонадан жой олган. Сўнгги турда жамоа «Ливерпуль»га 0:1 ҳисобида мағлуб бўлди. Умуман олганда «Вулверҳэмптон» мавсумни яхши ўтказмоқда. Стартдаги омадсизликлардан сўнг, охирги пайтларда доимий очко жамғариб келмоқда.
Бруну Лаже жамоаси меҳмондаги охирги 6 учрашувнинг фақат биттасида мағлубиятга учради.
Қолган учрашувлар:
11 декабрь, шанба
«Арсенал» — «Саутҳэмптон», 20:00
«Челси» — «Лидс», 20:00
«Ливерпуль» — «Астон Вилла», 20:00
«Норвич Сити» — «Манчестер Юнайтед», 22:30
12 декабрь, якшанба
«Бёрнли» — «Вест Ҳэм», 19:00
«Лестер» — «Ньюкасл», 19:00
«Кристал Пэлас» — «Эвертон», 21:30
Ла Лига. Мадрид дербиси: «Атлетико М» «Реал» меҳмони бўлади, «Барселона» «Осасуна»га қарши
«Реал» — «Атлетико», 12 декабрь, якшанба
«Қаймоқранглилар» мавсумни кўнгилдагидек ўтказмоқда, гуруҳда биринчи ўринни эгаллаб Чемпионлар Лигаси плей-офф босқичига чиқди, чемпионатда эса иккинчи ўриндаги жамоани 8 очко ортда қолдирган ҳолда етакчилик қилмоқда. Испания чемпионатининг сўнгги турида Карло Анчелотти шогирдлари «Реал Сосьедад»ни 2:0 ҳисобида мағлуб этди. «Реал» сафида Карим Бензема майдонга тушмаслиги мумкин, французнинг охирги пайтлар кўрсатаётган ўйини ҳисобга олинса, бу жамоа учун катта йўқотиш.
«Атлетико» қийинчилик билан Чемпионлар Лигаси плей-офф босқичига йўл олди. 6-турда «Порту» устидан 3:1 ҳисобида қозонилган ғалаба гуруҳда иккинчи ўринни эгаллашга ёрдам берди. Испания чемпионатида эса жамоа тўртинчи ўриндан жой олган ва етакчидан 10 очко ортда. Лекин Диего Симеоне шогирдларида захира ўйини бор. «Матрасчилар» жорий мавсумда стабил ўйин намойиш этмаяпти, буни охирги турда «Мальорка»га 1:2 ҳисобида мағлубиятга учраганидан ҳам билиш мумкин.
Қолган учрашувлар:
11 декабрь, шанба
«Эспаньол» — «Леванте», 18:00
«Алавес» — «Хетафе», 20:15
«Валенсия» — «Элче», 22:30
«Атлетик» — «Севилья», 01:00
12 декабрь, якшанба
«Вильярреал» — «Райо Вальекано», 18:00
«Осасуна» — «Барселона», 20:15
«Бетис» — «Реал Сосьедад», 22:30
13 декабрь, душанба
«Кадис» — «Гранада», 01:00
А Серия. «Милан» «Удинезе» меҳмони бўлади, «Интер» «Кальяри»ни синовдан ўтказади
«Удинезе» — «Милан», 11 декабрь, 00:45
«Удинезе» 16 турдан сўнг 16 очко билан 14-ўринда бормоқда. Ушбу ҳафтада жамоада бош мураббий Лука Готтини истеъфога чиқарилди. Унинг ўрнига Габриэле Чоффи вақтинчалик мураббий этиб тайинланди. «Удинезе» декабрь ойини «Лацио» билан 4:4 ҳисобидаги дуранг натижа билан бошлади. Охирги турда эса «Эмполи»га 1:3 ҳисобида мағлуб бўлди. Жамоа 8 та уй учрашувининг 2 тасида мағлубиятга учраган.
«Милан» 38 очко билан мусобақа етакчиси бўлиб турибди. Охирги турда «Салернитана» устидан қозонилган ғалаба «россонерилар»ни биринчи ўринга олиб чиқди.
Чемпионлар Лигасининг 6-турида эса «Ливерпуль»га 1:2 ҳисобида имкониятни бой берди ва еврокубоклардан чиқиб кетди. Жамоа А Сериянинг меҳмондаги 8 учрашувида 6 та ғалабани расмийлаштирган.
Қолган учрашувлар:
11 декабрь, шанба
«Фиорентина» — «Салернитана», 19:00
«Венеция» — «Ювентус», 22:00
12 декабрь, якшанба
«Торино» — «Болонья», 16:30
«Верона» — «Аталанта», 19:00
«Наполи» — «Эмполи», 22:00
«Сассуоло» — «Лацио», 22:00
«Интер» — «Кальяри», 00:45
13 декабрь, душанба
«Рома» — «Специя», 00:45
Бундеслига. «Бавария» «Майнц»ни синовдан ўтказади, «Боруссия Д» Бохумда меҳмон бўлади
«Бавария» — «Майнц», 11 декабрь, 19:30
«Бавария» мавсумни юқори ноталарда ўтказмоқда. Юлиан Нагелсманн шогирдлари Бундеслиганинг яққол етакчиси ҳисобланади. Иккинчи ўриндаги «Боруссия Д» 4 очко ортда қолмоқда. Мюнхенликлар Чемпионлар Лигаси гуруҳ босқичида «Барселона»ни 3:0 ҳисобида мағлуб этди.
«Майнц» 15 турдан сўнг 21 очко билан мусобақа жадвалининг 7-поғонасидан жой олган. Бо Свенссон шогирдлари мавсумни яхши ўтказмоқда ва еврокубокларга йўлланма берувчи ўринлар учун асосий даъвогарлардан бири.
Сўнгги турда «Майнц» «Вольфсбург»ни 3:0 ҳисобида мағлуб этди. Унга қадар учта ўйинда кетма-кет ғалаба қозона олмаётган эди.
Қолган учрашувлар:
11 декабрь, шанба
«Бохум» — «Боруссия Д», 19:30
«Ҳерта» — «Арминия», 19:30
«Фрайбург» — «Ҳоффенҳайм», 19:30
«Лейпциг» — «Боруссия М», 19:30
«Вольфсбург» — «Штутгарт», 22:30
12 декабрь, якшанба
«Гройтер» — «Унион Берлин», 19:30
«Айнтрахт» — «Байер», 21:30
Лига 1. Турнинг марказий учрашувида «ПСЖ» «Монако» билан баҳс олиб боради, «Лион» «Лилл»га қарши
«ПСЖ» — «Монако», 12 декабрь, 00:45
Парижликлар 42 очко билан Франция чемпионатининг якка пешқадами бўлиб турибди. Ундан кейинги ўриндаги «Ренн» ҳисобида 31 очко мавжуд. «ПСЖ» Чемпионлар Лигасининг гуруҳ босқичида иккинчи ўринни олиб, плей-офф йўлланмасини қўлга киритди.
Декабрь ойида ўтказилган чемпионатнинг икки ўйинида Маурисио Почеттино шогирдлари дуранг натижа қайд этди («Ницца»га қарши 0:0, «Ланс»га қарши 1:1).
«Монако» 26 очко билан 7-ўриндан жой олган. Нико Ковач шогирдлари Европа Лигасининг B гуруҳидан биринчи ўрин билан плей-офф босқичига чиқди.
Монаколиклар декабрь ойида Франция чемпионатида «Анжер» (3:1) ва «Мец» (4:0) устидан ғалаба қозонди, Европа Лигасида «Штурм» билан 1:1 ҳисобида дуранг натижа қайд этди.
Қолган учрашувлар:
11 декабрь, шанба
«Брест» — «Монпелье», 21:00
«Реймс» — «Сент-Этен», 01:00
12 декабрь, якшанба
«Лилл» — «Лион», 17:00
«Анжер» — «Клермон», 19:00
«Мец» — «Лорян», 19:00
«Ренн» — «Ницца», 19:00
«Труа» — «Бордо», 19:00
«Страсбур» — «Марсель», 21:00
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)