“Арсенал” футболчиси Букайо Сака Чемпионлар Лигасининг чорак финал босқичидаги “Реал Мадрид”га қарши ўйин олдидан фикрларини билдириб ўтди.
Сака “Арсенал” сафида “Реал”га қарши баҳс фаолиятидаги энг муҳим ўйинлардан бири бўлишини таъкидлади.
“Ишончим комилки, эртага мухлислар ўз вазифаларини аъло даражада бажаради ва бу кечани ”Эмирейтс“ тарихидаги энг гўзал кечалардан бирига айлантиришга ҳисса қўшади. Бу учрашув биз учун жуда катта аҳамиятга эга, чунки клуб кетма-кет иккинчи марта Чемпионлар Лигасининг чорак финалига чиқди. Шунинг учун эртага биз яна бир қадам олдинга ташлашга ҳаракат қиламиз”, – дейди футболчи.
Букайо ўз навбатида “Реал” ва жамоанинг тарихи ҳамда эришган ютуқларига ҳурмат билан қараш лозимлигини таъкидлади.
“Лекин бунга ортиқча эътибор қаратмаслик лозим, чунки эртага майдонда ҳамма нарса бўлиши мумкин. Ҳаммамиз кўрганмиз, ”Реал“ нимага қодир эканини, уларнинг ўйинларини ва камбеклари. Умид қиламизки, бу нарса биз билан содир бўлмайди, – деди ”Арсенал" ярим ҳимоячиси.
Маълумот учун, ушбу баҳс 8 апрелдан 9 апрелга ўтар кечаси соат 00:00 да старт олади.
Изоҳ (0)