«Арсенал» Мюнхенда яна 5 та гол ўтказиб юборди, «Реал» Мадридда «Наполи» дарвозасига 3 та гол урди

Европа Чемпионлар лигасининг чорак финали йўлида кеча — 15 февраль куни яна икки ўйин бўлиб ўтди. Бир кун муқаддам «ПСЖ» ва «Бенфика» клублари навбатдаги босқич сари қадам ташлаган бўлса, бу сафар «Бавария» ҳамда «Реал» дастлабки муваффақиятга эришди.

Лондоннинг «Арсенал» клуби Чемпионлар лигасининг ўтган йилги мавсумида «Бавария» билан бир гуруҳдан жой олиб, Мюнхенда 1:5 ҳисобида таслим бўлганди. Орадан бир йил ўтиб ўша натижа яна такрорланди. Карло Анчелотти мураббийлик қилаётган «Бавария» Арсен Венгер жамоаси устидан 5:1 ҳисобида устун келди.

Мадриднинг «Реал» клуби эса «Наполи» устидан иродали ғалабага эришди. Ҳисоб неаполлик футболчилар томонидан очилганига қарамай, якунда «Қиролли клуби» 3 та гол уришга муваффақ бўлди.

Мазкур жуфтликлар жавоб ўйинларини 7 март куни ўтказади.

Европа Чемпионлар лигаси 1/8 финал 15 февраль, чоршанба

«Бавария» — «Арсенал» 5:1

«Реал Мадрид» — «Наполи» 3:1