Қашқадарё вилояти Қамаш туманида уч кунлик чақалоғини 60 млн сўмга сотган аёлга суд ҳукми ўқилди. Бу ҳақда “Миллар” дастурида хабар берилди.
Маълум бўлишича, Қамаши туманида яшовчи аёл ўзининг илк маротаба дунёга келтирган қиз чақалоғини Қарши шаҳрида яшовчи икки нафар аёлга пулламоқчи бўлган. Бунинг эвазига улардан 60 млн сўм пул талаб қилган.
У 50 млн сўм ва 800 долларни машина ичида олган вақтида ҳуқуқни муҳофаза қилувчи органлар томонидан қўлга олинган. Суд ҳукми билан у 2 йил муддатга озодликдан маҳрум қилинди. Унинг қиз фарзанди эса вилоят болалар уйига топширилиши белгиланди.
Бундан аввал ҳам шу каби ҳолат кузатилган. Қашқадарёда эр-хотин уй олиш мақсадида бир ҳафталик чақалоғини 190 млн сўмга пуллагани ҳақида хабар берилганди. Бундан олдин Тошкент вилоятида бир ёшли ўғлини 9 минг долларга сотишга уринган эр-хотинга суд ҳукми ўқилгани, Самарқандда аёл уй олиш учун 6 ёшли ўғлини 6 минг долларга сотмоқчи бўлганида қўлга олингани ҳақида хабар берилганди.
Изоҳ (0)