Қашқадарёнинг Китоб туманида руҳий носоғлом эркак аёли ва ёшга тўлмаган фарзандини ўлдириб, сўнг ўз жонига қасд қилди.
Бош прокуратура матбуот хизмати раҳбари Ҳаёт Шамсутдиновнинг “Дарё”га маълум қилишича, қотиллик 24 ноябрь куни содир бўлган. Китоб туманидаги қишлоқларнинг бирида яшовчи 1998 йилда туғилган эркак шу куни соат 13:00 ларда яшаш хонадонида бўлган ошхона пичоғи билан 1996 йилда туғилган турмуш ўртоғи ҳамда 2024 йил январида туғилган қизини қасддан ўлдирган.
Шундан сўнг, у уйининг хўжалик биносида ўзини осиб, жонига қасд қилган.
Ҳолат юзасидан 24 ноябрь куни Китоб тумани прокурори томонидан Жиноят кодексининг 97-моддаси (қасддан одам ўлдириш) билан жиноят иши қўзғатилган.
Гумонланувчи шахс (марҳум) 2006 йилдан буён вилоят руҳий асаб касалликлари шифохонасида рўйхатда турган.
Изоҳ (0)