Тошкент шаҳрининг Янгиҳаёт туманида аёл ўзининг 8 ойлик боласини 10 минг долларга сотаётган вақтида қўлга олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Н.Ж. исмли аёл фуқаро Н.га 2020 йил июль ойида туғилган ўғил фарзандини 10 минг долларга сотган вақтида департаментнинг Янгиҳаёт туман бўлими томонидан ДХХнинг Тошкент шаҳар бошқармаси билан ҳамкорликда ўтказилган тезкор тадбирда ашёвий далиллар билан ушланган.
Ҳолат юзасидан Н.Ж.га нисбатан Жиноят кодексининг 135-моддаси (одам савдоси) билан жиноят иши қўзғатилиб, тергов ҳаракатлари ўтказилмоқда.
Аввалроқ Наманганда бир ёшга тўлмаган ўғлини 4700 долларга сотишга уринган аёл қўлга олингани, Сирдарёда уч ойлик чақалоғини 3 минг долларга сотишга уринган аёл қўлга олингани ҳақида хабар берилган эди.
Изоҳ (0)