АҚШнинг кўплаб машҳурлари ва аёллари Дональд Трампнинг аёллар масаласидаги сиёсатидан жиддий хавотирда бўлишларига қарамай, агар сайланган президентнинг жамоасига қаралса, уни аёллар душмани деб бўлмайди. У маъмуриятдаги бир қанча муҳим лавозимларни айнан ўз сафдошларига ишониб топширган.
Оқ уй аппарати раҳбари Сюзи Уайлс, таълим вазири Линда МакМехон, миллий разведка раҳбари Тулси Габбард, ички хавфсизлик вазири Кристи Ноэм бўлди. Трампнинг ҳар бир оммавий чиқишида гўзал Мелания ва Иванка ҳамроҳлик қилди.
Кўпгина журналистлар ва таҳлилчилар Дональд ҳозир тарихда биринчи марта қора танли америкалик Карин Жан-Пьер эгаллаб турган матбуот котиби лавозимини Такер Карлсонга ишонишини тахмин қилишди, аммо президент Керолайн Ливиттни танлади. Оқ уй тарихидаги ушбу лавозимдаги энг ёш аёл ҳақида нималар маълум?
Керолайн Ливиттнинг таржимайи ҳоли
Керолайн Ливитт 1997 йил 24 августда Нью Ҳемпширда туғилган ва анча қатъий католик анъаналарида тарбияланган. Унинг ота-онаси музқаймоқ дўкони ва юк машиналари сотувчи компания бизнесига эга эди. Диний оила анъаналарга жуда қаттиқ риоя қилган, шунинг учун қизининг кейинги таълим жойи ҳақида узоқ бош қотириб ўтиришмайди.
Керолайн Массачусетс штатининг Лоуренс шаҳридаги Марказий католик ўрта мактабига, кейин эса Авлиё Анселм коллежига берилади. Ўсмирлик даврида Ливитт Hearst Television WMUR-TV телеканалида ишлаган, кейин эса Fox News’да амалиёт ўтаган. Қизнинг аниқ ва анча радикал сиёсий қарашлари ҳам коллежда ўқиб юрган пайтларидаёқ шаклланган. Айнан шу нарса унинг келажакда муваффақиятли карьерасини қуришига ва Дональд Трампнинг ишончини қозонишига ёрдам беради.
Керолайн Ливиттнинг шахсий ҳаёти
Керолайн Ливитт шахсий ҳаётини яширмайди, лекин у ҳақида ҳам жуда батафсил маълумот бермайди. Маълум бўлишича, у турмушга чиққан, 2024 йилнинг ёзида эса илк бор она бўлган. Ижтимоий тармоқларда матбуот котибининг ўғли билан тушган суратлари кўп, дўстлари ва қариндошлари билан тушган суратларни топиш мумкин, бироқ у эрини камдан кам кўрсатади.
Керолайн Оқ уй матбуот котиби лавозимига тайинлангани ҳақидаги расмий баёнотда у “ақлли, қатъиятли ва ўзини жуда самарали коммуникатор сифатида кўрсатган”лиги айтилади. Қизнинг феъл-атвори ва иш қобилиятига шубҳа қилмаса ҳам бўлади, чунки у 2024 йил январь ойида ҳомиладорлигида Трамп жамоасига қўшилган. Қизиқ, Ливитт оналикни телевидениеда доимий чиқишлар ва кенг кўламли жиддий иш билан қандай қилиб бирлаштиришга улгуради — бу Америкадаги кўпчилик учун жумбоқ бўлиб қолмоқда.
Трампга биринчи суиқасддан сўнг, Керолайн ўша пайтда атиги 4 кун бўлган чақалоғини эрига қолдириб, ўзи тарихда деярли энг қисқа таътилдан сўнг штабга қайтади. У ўз хатти-ҳаракатини айни пайтда президент билан доимо ёнма-ён бўлишни хоҳлаши билан изоҳлайди.
Керолайн Ливиттнинг карьераси
Коллежни тугатгандан сўнг, Керолайн Оқ уй матбуот хизматига ишга кириб, у ерда матбуот котибининг ёрдамчиси бўлиб ишлайди. 2022 йилда у АҚШ Конгрессига киришга муваффақ бўлади ва у ерда Дональд Трамп тарафдори Элиза Стефаникнинг жамоатчилик билан алоқалар бўйича директори лавозимини эгаллайди.
Худди шу 2022 йилда Керолайн ўзи туғилган Нью Ҳемпшир штатидан АҚШ Вакиллар палатасига сайланади. Шундай қилиб, Ливитт Америка сиёсий аппаратида “зумерлар” авлодининг иккинчи вакилига айланади. Жо Байден ҳукмронлигининг бутун даври давомида Керолайн, унинг сўзларига кўра, “ҳақиқий президентни” “соғиниб” юради. Айнан шунинг учун ҳам 2024 йил январь ойида Сюзи Уайлс уни Трамп кампаниясига таклиф қилганида, малласоч аёл узоқ ўйлаб ўтирмайди.
Республикачи Ливиттга ўзининг мутлақ ишончини билдиради, у ўзининг сайловолди кампаниясида “феноменал иш” қилганини айтиб, уни “ақлли ва қаттиққўл” деб атайди.
Маълумки, Дональд Трамп билан ишлаган вақт давомида Керолайн президент режимига тўлиқ мослашди: энди у ҳам кунига атиги 4 соат ухлайди. Бундан ташқари, кўпчилик юмшоқлик ва соддалик деб баҳолаши мумкин бўлган ёқимли кўринишга қарамай, Ливитт ҳиссиётга берилувчанлиги ва муросасизлиги билан ажралиб туради. Экспертлар ва таҳлилчиларнинг таъкидлашича, Керолайн ҳар доим “сёмкалар”га тайёр, жараёнга жуда осон киришади, вазиятга тез мослашади ва ҳар доим Дональд Трампни агрессив ҳимоя қилади.
Изоҳ (0)