Ўзбекистонда 2017—2020 йиллар мобайнида чақалоқлар савдоси бўйича 185 та ҳолат аниқланган. Бу ҳақда ИИВ ҳузуридаги Тергов департаменти вакили Наргиза Хожибоева АОКАда ўтказилган брифинг давомида маълум қилди.
Унинг сўзларига кўра, чақалоқ савдосига сабаб бўлаётган асосий омиллар қуйидагилар:
- боланинг онаси ижтимоий ҳимояланмагани ва моддий эҳтиёжлари таъминланмаганлиги;
- турмушга чиқмаган аёллар ҳомиладор экани ҳамда чақалоқни оиласидан яширишга уриниши;
- фарзанд кўрмаган оилалар томонидан чақалоқ асраб олишга эҳтиёж мавжудлиги;
- чақалоқ савдосининг олдини олишга қаратилган мукаммал ҳуқуқий асоснинг йўқлиги.
«Чақалоқ савдоси билан боғлиқ жиноятларнинг аксарияти хотин-қизлар томонидан содир этилаётгани жуда аянчли ҳолат. Ушбу жиноятга қўл урган хотин-қизларнинг ижтимоий ҳолати ўрганилганда, уларнинг кўпчилиги бугун оғир турмуш шароитида ва моддий қийинчиликда яшаётгани, ижтимоий қўллаб-қувватлаш ҳамда психологик ёрдамга муҳтожлиги аниқланди», — дейди Маҳалла ва оилани қўллаб-қувватлаш вазирлиги бошқарма бошлиғи ўринбосари Ўғилой Ўрозова.
Мавзуга доир:
Изоҳ (0)