Сирдарёда 3 ойлик чақалоғини 3 минг долларга сотмоқчи бўлган аёл ушланди, деб хабар беради «Сирдарё янгиликлари» нашри.
Маълумотларга кўра, 25 февраль куни Сирдарё вилояти ИИБ ТЭҚКБ ходимлари томонидан тезкор тадбир ўтказилган. Тадбир давомида 25 ёшли (Навоий вилояти Нурота туманида туғилган, 3 нафар фарзанднинг онаси Сирдарё туманида яшаб келаётган) фуқаро И.С.га ўзининг 2020 йил 1 декабрь куни туғилган ўғлини тадбир иштирокчисига 3 минг АҚШ доллари эвазига сотган вақтда ушланган. Ундан кимёвий ишлов берилган пуллар далилий ашё сифатида олинган.
Мазкур ҳолат юзасидан Сирдарё вилояти ИИБ ТЭҚКБ томонидан терговга қадар суриштирув ишлари олиб борилмоқда.
Аввалроқ Наманганда бир ёшга тўлмаган ўғлини 4700 долларга сотишга уринган аёл ушлангани, Урганчда туғилмаган боласини 9 минг долларга сотмоқчи бўлган эр-хотин қўлга олингани, Навоийда бир ойлик чақалоғини 3 миллион сўмга сотмоқчи бўлган аёлга суд ҳукми ўқилгани, Каттақўрғонда 2 ёшли ўғлини 2500 долларга сотмоқчи бўлган аёл ушлангани тўғрисида хабар берилганди.
Изоҳ (0)