Тошкентнинг Янгиҳаёт туманида одам савдоси билан боғлиқ жиноий ҳаракатга чек қўйилди, деб хабар бермоқда Бош прокуратура ҳузуридаги Иқтисодий жиноятларга қарши курашиш департаменти.
Департаментнинг Янгиҳаёт туман бўлими томонидан ИИБ ходимлари билан ҳамкорликда ўтказилган тезкор тадбирда Р.T. исмли аёл 7 августда туғилган қиз фарзандини бошқа бир фуқарога 18 минг долларга сотган вақтида ашёвий далиллар билан ушланган.
Мазкур ҳолат юзасидан Жиноят кодексининг 135-моддаси (одам савдоси) билан жиноят иши қўзғатилиб, тергов ҳаракатлари ўтказилмоқда.
Бундан аввал Тошкентнинг Янгиҳаёт туманида 8 ойлик ўғлини 10 минг долларга сотишга уринган аёлга суд ҳукми эълон қилингани ҳақида хабар берилган эди. Миробод туманида эса 13 ёшли қизини 3500 долларга сотмоқчи бўлган она ушланганди.
Изоҳ (0)