Европа тикланиш ва тараққиёт банки (ЕТТБ) 20 МВт қувватга эга электролизатор ва қайта тикланадиган водород ишлаб чиқариш учун 52 МВт қувватга эга янги шамол электр станциясини қуради. Мазкур лойиҳаларга 65 миллион доллар ажратилади.
ЕТТБ маблағлари АCWА Power UKS Green H2 компаниясига қурилмани ишлаб чиқиш, лойиҳалаш, қуриш ва ишлатиш учун берилади.
![](/static/2024/08/29/h2-Sb0Ok9YJ.jpg)
Ушбу компания АCWА Power (халқаро ишлаб чиқувчи, инвестор, электр энергияси ва чучук сув ишлаб чиқариш қурилмалари комплексининг мулкдори ва оператори) ҳамда Ўзбекистон давлат кимё корхоналари холдинг компанияси “Ўзкимёсаноат”га тегишли.
Молиявий пакетга ЕТТБдан 55 млн долларлик кредит ва Канада томонидан иқлим ўзгаришига қарши курашда юқори даромадли шериклик жамғармаси орқали тақдим этилган10 млн долларгача имтиёзли молиялаштириш киради. Бундан ташқари, ЕТТБ 5,5 млн долларгача оралиқ кредит беришни режалаштирмоқда.
Ушбу завод 2022 йилда Мисрда шунга ўхшаш лойиҳани муваффақиятли қўллаб-қувватлаганидан сўнг, қайта тикланадиган водород ишлаб чиқариш бўйича ЕТТБнинг иккинчи лойиҳаси бўлади.
Ўрнатиш табиий газдан олинган ва аммиак ўғитларини ишлаб чиқаришда ишлатиладиган “кулранг” водородни қайта тикланадиган водород билан алмаштиришга имкон бериши кутилмоқда, бу секторни карбонсизлаштириш йўлидаги муҳим қадамдир.
Қурилиш тугагандан сўнг ҳар йили уч минг тоннагача ўғит ишлаб чиқариш режалаштирилган.
Изоҳ (0)