Американинг Хитойга нефть экспорти 2024 йилда деярли ярмига қисқарди, деб ёзади Bloomberg Кплер маълумотларига таяниб.
АҚШ жорий йилда Хитойга 81,1 миллион баррел нефть экспорт қилди, бу ўтган йилга нисбатан 46 фоизга кам. Бунинг ортидан Хитой Америка нефтининг энг йирик харидорлари орасида иккинчи ўриндан олтинчи ўринга тушиб кетди.
Хитойнинг нефтга бўлган талаби мамлакатда иқтисодий ўсишнинг секинлашиши, электр транспорт воситаларининг кўпайиши ва сиқилган табиий газ истеъмолининг ўсиши фонида пасайиб бормоқда. Бу йил Хитойга нефть импортининг умумий ҳажми 7,2 фоизга камайди. Шу билан бирга, Россия, Эрон ва Венесуэланинг денгиз орқали нефть етказиш бўйича улуши ўтган йилги 24 фоиздан 26 фоизгача ошди, Яқин Шарқ эса тахминан 60 фоизни ташкил этади.
Европа уч йилдан бери минтақавий даражада Америка нефтининг асосий харидори бўлиб қолмоқда.
2024 йилда АҚШдан 194,4 миллион баррел нефть импорт қилган Нидерландия давлатлар орасида етакчи бўлиб турибди. Иккинчи ўринни Жанубий Корея (165,5 миллион баррел) эгаллаб турибди.
Бу йил учинчи ўринда Буюк Британия (11,8 миллион баррел), тўртинчи ўринда Канада (102,3 миллион баррел), бешинчи ўринда эса Испания (87,3 миллион баррел) жойлашган.
Франция еттинчи ўрин (81,3 миллион баррел), Тайван эса саккизинчи ўринни эгаллади (80,4 миллион баррел) .
Изоҳ (0)