Shanxaydagi Zonghui nomli restoranga tashrif buyurgan mehmon unga keltirilgan yarimta tovuqdan tayyorlangan taomining narxidan g‘azablandi. U ofitsiantlar bilan uzoq vaqt bahslashdi va narxini tushirishga urindi, ammo oxir-oqibat 66 dollar to‘lashga majbur bo‘ldi.
Restoran vakillari taomning qimmat narxini uning tarkibida “g‘ayrioddiy sharoitda yetishtirilgan tovuq go‘shti bor”ligi bilan izohladi. Ularning so‘zlariga ko‘ra, tovuq go‘yoki “klassik musiqa tinglab katta qilingan va suv o‘rniga sut ichgan”.
Bosh oshpaz ushbu taom uchun ishlatgan tovuq kungaboqar tovuq deb ataluvchi noyob tur sanaladi. U ko‘pincha “Mishlen” yulduziga ega restoranlarda pishiriladi. Uni imperator tovug‘i deb ham atashadi. Mazkur tur o‘zining mazali ta’mi va yumshoqligi bilan ajralib turadi.
-saK57aWA.avif)
Bunday tovuqlar kungaboqar poyasi va gulidan olingan sharbat bilan oziqlantiriladi. Ularni boqish jarayonida fermerlar parrandalarga klassik musiqa eshittirishadi.
Natijada, restorandagi erkak buyurtma uchun pulni to‘liq to‘lashga majbur bo‘ldi, ammo uning g‘azabi bosilmadi. Restoran xodimlari esa qisman yolg‘on gapirgan, chunki tovuqlar hech qachon sut bilan oziqlanmaydi, deyiladi xabarda. Mehmon xodimlarning uni aldashga uringanidan qattiq jahli chiqdi va taom surati hamda bo‘lib o‘tgan voqea bilan ijtimoiy tarmoqda bo‘lishdi.
Izoh (0)