Олимлар Гизадаги машҳур Миср эҳромлари остида жойлашган “улкан ерости шаҳри”ни топди. Бу ҳақда The New York Post хабар берди.
Мутахассислар радар ускуналаридан фойдаланиб, “Аменти заллари”ни топиш мақсадида ер юзасидан минглаб фут чуқурликдаги тасвирларни яратган. Уларнинг фикрича, мазкур инновацион тадқиқот “сунъий йўлдош маълумотларини таҳлил қилиш ва археологик изланишлар чегараларини қайта белгилаб берган”.
Тадқиқот натижасида пирамидалар остида 2100 футдан ортиқ чуқурликка чўзилган саккизта алоҳида вертикал цилиндрсимон артефактлар аниқланган. Бундан ташқари, 4000 фут чуқурликда турли хил номаълум тузилмалар ҳам топилган.
Олимлар пирамида ичидаги бешта кичик, хонага ўхшаш тузилмаларни аниқлаш учун Синтетик Апертурали Радар (САР) технологиясидан фойдаланган. Шунингдек, тадқиқотчилар бир бинодаги саркофаг нотўғри равишда фиръавннинг қабри деб ҳисобланганини аниқлаган.
4500 йиллик тарихга эга бўлган бу мўжиза остида яширин хоналар ва қудуқлар мавжуд. Яқинда топилган бинолар эса ерости коридорлари билан боғланган. Тадқиқотчилар пирамиданинг марказида бешта алоҳида иншоот топилганини айтмоқда.
Денвер университети тадқиқотчиларидан бири бундай иншоотларни аниқлаш учун технология ҳали тасвирларни яратиш даражасида етарлича ривожланмаганини таъкидлаган. Радар мутахассиси Лоренс Конерс юзанинг пастки қисмида топилган бешта кичик тузилмалар у ернинг тарихига боғлиқ эканини ва уларнинг мавжудлиги эҳтимолини айтди.
Унинг сўзларига кўра, бу ер қадимий цивилизациялар учун пирамидалар қурилишидан олдин ҳам муқаддас бўлган.
Изоҳ (0)