Миср пойтахтида Қоҳирадаги Гиза пирамидалари мажмуаси яқинида жойлашган янги Сфинкс халқаро аэропорти ишга туширилади. У 2022 йилнинг июль ойи ўрталарида йўловчиларни қабул қилишни бошлайди.
Сайёҳлар учун ҳаво бандаргоҳининг афзаллиги шундаки, у пирамидалар ва Буюк Миср музейига яқин. Мамлакатнинг асосий тарихий диққатга сазовор жойлари аэропортдан бир неча дақиқалик масофада жойлашган. Сфинкс халқаро аэропорти халқаро ва ички рейсларни амалга оширади.
Фуқаро авиацияси вазири Муҳаммад Манар ҳукумат йиғилишида аэропорт қурилиши 90 фоизга якунлангани ва ёзги жадвал бўйича иш бошлашини айтди. Расмийнинг қўшимча қилишича, янги аэропортда бир кунлик туристик дастурлар ҳам тақдим этилади. Эслатиб ўтамиз, аэропортни очишга биринчи уриниш 2018 йилда бўлган, шундан бери Сфинкс халқаро аэропортининг умумий майдони 24 минг квадрат метргача кенгайган. Унинг соатига 900 нафаргача йўловчини қабул қила олиши кутилмоқда.
Изоҳ (0)