Ижтимоий тармоқларда Қашқадарё вилояти Кўкдала туманида яна заправка портлагани тасвирланган видеолар тарқалди. Ушбу ҳолат юзасидан вилоят ФВБ матбуот хизмати бирламчи маълумот берди.
Қайд этилишича, 5 август соат 22:30 лар атрофида Кўкдала тумани, “Кўкдала” МФЙ ҳудудида жойлашган газ тўлдириш шохобчасида ёнғин рўй берганлиги тўғрисида ФВБга хабар келиб тушган.
Шунга кўра, қутқарув хизматидан ёнғин-қутқарув экипажлари воқеа жойига етиб бориб, ҳозирда ёнғинни бартараф этиш ишлари олиб борилмоқда.
Маълумотларга кўра, воқеа жойига вилоят ФВБ ва туман ФВБ раҳбар ходимлари етиб борган.
Аввалроқ 16 июль куни соат 14:40 да ҳам Кўкдала туманида аҳолига газ тўлдириш станцияси ҳудудида ёқилғи сақлаш резервуарида чақнаш ва ундан сўнг ёнғин содир бўлган эди. Ҳодиса оқибатида 4 нафар фуқаро вафот этган.
Изоҳ (0)