IFC Ўзбекистондаги “Ипак Йўли” банкига банкнинг кичик ва ўрта бизнес корхоналарни, шу жумладан, аёлларга тегишли корхоналарни ҳам кредитлаш, қўллаб-қувватлаш ва инклюзив иқтисодий ўсишни рағбатлантириш учун 10 миллион доллар миқдорида кредит ажратишини эълон қилди.
IFC томонидан молиялаштириш тадбиркорлик субъектларига хизмат кўрсатишда кучли иштирок ва катта тажрибага эга бўлган “Ипак Йўли” банкига ўзининг кредит портфелини кенгайтириш ва кичик бизнесни зарур молиялаштириш имконини беради. Булар Ўзбекистонда иқтисодий ривожланиш ва янги иш ўринлари яратишда муҳим рол ўйнайди. Жамғармалар, шунингдек, аёлларга тегишли кичик ва ўрта бизнес корхоналарга, гендер тенглиги ва аёлларнинг иқтисодий имкониятларини кенгайтиришга қаратилган.
“Биз IFC’нинг кичик ва ўрта бизнесни, айниқса аёлларга тегишли корхоналарни кредитлаш фаолиятимизни кенгайтиришда қўллаб-қувватлагани учун ташкилот раҳбариятидан миннатдормиз" - деди Ипак Йўли банки бошқарув раиси Саидаброр Саидаҳмедов. Бунга қўшимча равишда у қуйидагиларни алоҳида таъкидлаб отди: "Бу кредит бизга ушбу тадбиркорлик субъектларини зарур молиявий ресурслар билан таъминлаш ва қўллаб-қувватлаш, уларнинг ривожланиши, иш ўринларини яратиш ва Ўзбекистоннинг ҳар томонлама ривожланишига ҳисса қўшиш имконини беради".
IFC’нинг “Ипак Йўли” банкига берган кредити унинг Ўзбекистонда барқарор ва инклюзив иқтисодий ўсишга кўмаклашиш анъаналарига тўла мос келади. Кичик ва ўрта бизнес ва аёллар тадбиркорлигини қўллаб-қувватлаш орқали ХМК мамлакатда тадбиркорликни ривожлантириш, самарадорликни ошириш ва қашшоқликни камайтиришни мақсад қилган.
“Кичикроқ корхоналар иқтисодий ўсишнинг двигателидир, лекин жуда кўп, айниқса аёлларга тегишли кичик корхоналар молиялаштиришда қийинчиликларга дуч келмоқда”, - дейди IFC’нинг Туркия ва Марказий Осиё бўйича директори Виэбке Шлоэмер. “Бизнинг “Ипак Йўли” банкига киритган сармоямиз ана шу бўшлиқни бартараф этишга – инклюзив иқтисодий ўсишни рағбатлантириш ва тадбиркор аёлларнинг имкониятларини кенгайтиришга кўмаклашишга қаратилган”.
Инвестициялар IFC’нинг 2018 йилда бошланган Ипак Йўли банки билан муносабатларининг мантиқий давоми ҳисобланади. Ўшандан бери IFC банкка тадбиркорлик субъектлари, шу жумладан, бизнес билан шуғулланувчи аёллар, шунингдек, ўрта ва кичик бизнесни қўллаб-қувватлаш учун 25 миллион доллар маблағ ажратди.
Молиялаштириш IFC’нинг 2021 йилда бошланган Фаст-Track COVID Facility дастури асосидаги “Пирамидалар базаси” дастури доирасида амалга оширилмоқда.
Ипак Йўли банки ҳақида
1990 йилда ташкил этилган “Ипак Йўли” акциядорлик инновацион тижорат банки Ўзбекистондаги универсал тижорат банк саналади. У Ўзбекистоннинг саккиз вилоятида ташкил этилган 17 та филиал ва 46 та экспресс марказлари орқали кичик бизнес ва хусусий тадбиркорлик субъектларига, шунингдек, чакана савдо билан шуғулланувчи мижозларга кенг кўламли банк хизматларини тақдим этади.
IFC ҳақида
IFC (International Financial Corporation) — Жаҳон банки гуруҳининг аъзоси ва ривожланаётган бозорларда хусусий секторга йўналтирилган энг йирик глобал ривожланиш халқаро институтидир. Ташкилот 100 дан ортиқ мамлакатларда ишлайди, капитали, тажрибаси ва нуфузидан ривожланаётган мамлакатларда бозорлар ва имкониятлар яратиш учун фойдаланади.
2021-молия йилида IFC ривожланаётган мамлакатлардаги хусусий компаниялар ва молия институтларига 31,5 миллиард доллар миқдорида маблағ ажратди. Бу маблағлар ушбу мамлакатлардаги COVID-19 пандемиясининг оқибатлари юмшатиш, қашшоқликка барҳам бериш ва умумий фаровонликни ошириш учун хусусий секторга йўналтирилган.
Қўшимча маълумотлар учун www.ifc.org сайтига ташриф буюринг.
IDА хусусий сектор ойнаси ҳақида
Халқаро Тараққиёт Ассоциациясининг (IDА) Хусусий сектор ойнаси 2017 йилда энг қашшоқ ва энг заиф мамлакатларда хусусий сектор инвестицияларини фаоллаштириш учун ишга туширилган. IDА мақсадлари ва Жаҳон банки гуруҳининг муштарак мақсадларига эришишда хусусий секторнинг асосий ролини эътироф этган ҳолда, ойна биргаликда инвестицияларни молиялаштириш манбасини, IFC ва Кўп томонлама инвестицияларни кафолатлаш агентлиги (МИГА) томонидан қўллаб-қувватланадиган хусусий инвестициялар хавфини камайтириш учун кафолатлар беради. IDА хусусий сектор ойнаси ҳеч қандай тижорат ечими бўлмаганда ва Жаҳон банки гуруҳининг бошқа воситалари ва ёндашувлари етарли бўлмаганда иккинчи вариант ҳисобланади. Қўшимча маълумотларни ушбу сайт орқали олишингиз мумкин:
Реклама ҳуқуқи асосида.
Изоҳ (0)