Бурак Ўзчивит Россияда бўлиб ўтган “Турк сериалларидаги қўшиқлар” концерт дастурида иштирок этди.
Фото: Kinomail.ru
Тадбир бошловчиси Иван Чуйков машҳур турк актёри билан кинодаги фаолияти ҳақида суҳбатлашди. Интервьюда улар “Севги изтироби”даги Ўзчивит қаҳрамонининг фожиали равишда вафот этган эпизод — финал қисмини эслашди. Бурак бошида сериал шундай якун топишига қарши бўлганини тан олди, лекин режиссёр ва сценарий муаллифлари айнан шундай финал бўлишини актёрдан талаб қилишган.
“Томошабинларга ҳам Камолнинг вафоти ёқмаган эди, мен ҳам сценарий шундай якунланиши истамаган эдим. Фикримча, Камол бунга лойиқ эмас эди. Танлаш учун иккита вариант бор эди: сериалнинг бахтли якуни ёки шов-шувли фожиа тарзида бахтсиз финал. Режиссёр барчанинг хотирасида узоқ вақт эсда қоладиган финал қилишни истади. Шунинг учун Камол ўша тугмадан оёғини олди, деди Ўзчивит.
“Севги изтироби” (Kara Sevda) 2015—2017 йилларда Туркиянинг Star TV каналида эфирга узатилган машҳур турк сериали. Уни Ay Yapım студияси суратга олган. Сериал романтик драма ва севги учбурчаги мавзусини кўтаради.
Фото: Kinomail.ru
Сюжетга кўра, оддий оиладан чиққан, аммо келажаги порлоқ муҳандис йигит Камол тасодифан бой оиланинг фарзанди — рассом қиз Ниҳон билан танишиб қолади. Уларнинг севгиси тақдир синовларига дуч келади. Амир, Ниҳонни ўзиники қилиш учун маккор режа тузади. Камол ва Ниҳон орасидаги севги изтиробларга, фитналарга ва кўплаб сирларга бой бўлади.
Камолнинг ўлими
Фото: Kinomail.ru
Амир Ниҳонни ўзининг назорати остида ушлаб туриш учун портловчи миналар билан тўлдирилган майдон тайёрлайди. У Камолни ҳам бу ўлим тузоғига жалб қилади. Камол Ниҳонни ва унинг қизини қутқариш учун ўз жонини хавф остига қўйиб, минани зарарсизлантиришга ҳаракат қилади. Бироқ у Ниҳонни қутқаришга муваффақ бўлса ҳам, ўзи минанинг портлаши натижасида ҳалок бўлади.
Фото: Kinomail.ru
Охирги саҳналарда Ниҳоннинг қаттиқ изтиробга тушиши ва Камолнинг фожиали ўлими тасвирланади. Бу саҳналар кўплаб томошабинларни чуқур таъсирлантирган.
Изоҳ (0)