Бразилиянинг “Сантос” клуби ҳужумчиси Неймар фаолиятини Европада давом эттиришни хоҳламоқда. Бу ҳақида журналист Жанлука ди Марсио хабар бермоқда.
Манбаларга кўра, унинг агенти тажрибали футболчига янги жамоа изламоқда. Сабаби футболчи 2026 йил бўладиган Жаҳон Чемпионати олдидан Европанинг каттароқ жамоаси сафида ўйнашни истамоқда.
Аввалроқ ижтимоий тармоқларда футболчи ўз хизматларини “Бавария”га таклиф қилгани ҳақида хабарлар чиққан эди, бироқ немис клуби унинг таклифига рад жавобини берган. Кҳелноw нашри маълумотига кўра, Туркиянинг “Галатасарой” клуби Неймар билан шартнома имзолашга тайёр эканлигини билдирган, бироқ футболчининг агенти Истанбул клуби раҳбариятига аниқ жавоб қайтармаган.
Йил бошида “Сантос”га қайтган футболчи шу вақтгача 7 ўйин ўтказиб, 3 та гол ва 3 та голли узатма амалга оширди. Неймарнинг “Сантос” билан шартномаси 2025 йил ёзида якунланади.
Шунингдек, Неймар 2023 йил октябрдан бери илк бор Бразилия терма жамоасига чақирилди, аммо футболчи “Сантос” сафида жароҳат олди ва ушбу йиғинни ўтказиб юборадиган бўлди.
Изоҳ (0)