Октябрь ойининг биринчи ҳафталарида севимли турк актёрлар ҳаётида нималар бўлганини кузатишга улгурмаган мухлислар учун қуйидаги мақолада дизи оламидаги энг сўнгги ва қизиқарли янгиликларини тўпладик.
Афра Сарачўғлу бармоғидаги узук Мерт Рамазон Демир билан унаштирилгани ҳақидаги миш-мишларни келтириб чиқарди
Ўтган ҳафта охирида журналистлар билан суҳбат вақтида актриса Афра Сарачўғлунинг бармоғидаги йирик олмос узук барчанинг эътиборини тортди. Аввалига мухлислар Афра заргарлик компанияси билан реклама шартномаси тузди, деб ўйлади, аммо актрисанинг менежери буни инкор қилди. Сўнг ижтимоий тармоқларда Афра Сарачўғлунинг Мерт Рамазон Демир билан яширинча унаштирилгани ҳақида янги миш-мишлар тарқала бошлади.
Баъзиларнинг фикрича, бундай гап-сўзлар “Қўрғон сирлари” режиссёри томонидан ўйлаб топилган навбатдаги пиар бўлиши мумкин.
Машҳур блогер “Ижарага олинган севги” сериалидаги актриса Элчин Сангуни судга берди
Ижтимоий тармоқларда Жаҳраин тахаллуси билан танилган блогер Аҳмет Сонуч актриса Элчин Сангуни ҳақорат сўзларни ишлатгани учун судга берди. Аммо аввалроқ блогер ўзининг одобсиз хатти-ҳаракатлари учун судланган, шу сабабли “Ижарага олинган севги” сериали юлдузи бежизга уни ҳақоратламаган кўринади.
“Баҳор” сериали режиссёри Неслиҳан Ешилюрт янги “Оқшом эртаги” номли лойиҳасини қаттиқ қоралаб чиқди
Режиссёр Неслиҳан Ешилюрт “Баҳор” сериали актрисаларидан бирининг ҳаддан ташқари очиқ кийимда чиққани ҳақидаги танқидларга нисбатан кескин муносабат билдирди. Унинг таъкидлашича, турк сериаллари орасида бундай образда намоён бўладиган актрисалар талайгина. “Оқшом эртаги” номли лойиҳа ҳам бундан мустасно эмас. Ҳозирча рақобатчилар режиссёрнинг баҳсли баёнотига жавоб бермади.
Акин Акинўзу Сандра Пестемалжиян билан орани очиқ қилгани ҳақидаги хабарларга изоҳ берди
“Беқарор” сериалидаги роли билан танилган актёр Акин Акинўзу актриса Сандра Пестемалжиян билан муносабатларини узгани маълум бўлди. Жуфтлик етти йил давомида бирга бўлишди ва кўпчилик уларни яқин келажакда турмуш қуришига ишонар эди. Бироқ улар ажрашганини эълон қилди. Акиннинг айтишича, улар бу қарорга биргаликда келган ва кейинчалик дўст бўлиб қолишга келишган.
“Қўрғон сирлари”нинг учинчи мавсуми сўнггиси бўлади
Ознур Серчелер расман маълум қилишича, ОGM Pictures продюсерлари лойиҳани учинчи мавсумда тугатади. Сериал даставвал уч мавсумда эфирга узатилиши режалаштирилган. Аммо томошабинлар Ферит ва Сейран билан узоқроқ қолишни истаса, лойиҳа яна бир мавсумга чўздирилиши мумкин.
Неслиҳан Атагул яна фарзанд кўришни исташини айтди
“Севги изтироби” сериали юлдузининг ҳомиладорлиги билан боғлиқ хабарлар ҳамон сўнгги пайтларда энг машҳур хабарларидан бири бўлиб қолмоқда. Эндиликда журналистлар билан ҳар бир учрашувда актриса ўзининг ҳаёти ўзгариб кетгани ва бахтиёр эканини айтади. Журналистлар билан суҳбатда Неслиҳан Атагул ўғилли бўлгач, тез орада қиз фарзанд ҳам кўришни жуда исташини тан олди.
“Лейла” сериалидаги сценарий муаллифи ўзгарди
“Бразилия проспекти” сериалининг туркча ремейкига янги сценарий муаллифи ёлланди — “Чуқур” лойиҳасидаги фаолияти билан танилган Гёкҳан Хорзум “Лейла” сериалига жалб қилинди. Аввалги сценарий муаллифи Йилмаз Шаҳин лойиҳанинг дастлабки уч қисмни ёзган.
Мелиса Донгел футболчи Керем Атакан Кесгин билан бирга
“Қалбим эшигини қоқ” сериали юлдузи Мелиса Донгелнинг спортчи Керемен Атакан билан муносабати ҳақидаги миш-мишлар турк ижтимоий тармоқларида асосий мавзу бўлиб қолмоқда. Футболчи ўзининг Instagram саҳифасида актрисанинг суратини жойлаштиргани буни тасдиқлайди.
Изоҳ (0)