Турк кино саноати ўзининг кўплаб иқтидорли актрисалари билан ажралиб туради, уларнинг экранда бирор ҳис-туйғуни етказиб бериш қобилияти томошабинларни бефарқ қолдирмайди. Шунга қарамай, актрисаларнинг аксарияти кўпинча эпизодик ролни ижро этади ва асосий образлар соясида қолиб кетади. Агар уларнинг истеъдоди ўз вақтида қадрланса, актрисалар тез орада дунё миқёсида юлдузга айланиши шубҳасиз.
Илайда Чевик
Илайда Чевик ўзининг латофатли ташқи кўриниши ва актрисалик маҳорати билан дизи мухлисларига яхши таниш, аммо кўплаб лойиҳаларида у иккинчи даражали ролларни ижро этади. Унинг образи бош қаҳрамон бўлмаса ҳам, экранларда доим ажралиб туради.
Илайда Чевикнинг карьераси “Қора гул” драмасидан бошланди, сериал 2013 йилдан 2016 йилга қадар давом этди ва томошабинларга кўплаб янги чеҳраларни тақдим этди. Улар орасида Майя ролини ижро этган Илайда ҳамда тез орада бош ролларга таклиф олган Айча Айшин Туран ҳам бор.
У “Қора гул”дан кейин “Бир куни Чукуровада” номли мелодраммада иштирок этди. 2020 йилда Илайда “Севги кел деса” мелодрамасида бош ролга тайинланди, аммо лойиҳа рейтинги пастлиги сабабли сериал бекор қилинди.
Шундан сўнг актриса “Қалбим эшигини қоқ” да у Балжа образини гавдалантирди. Сериалда актриса Илайда Чевик ижро этган салбий қаҳрамон лойиҳада қисқа вақт кўриниш берган бўлса-да, томошабинлар нафратини қўзғашга улгурди. Ижтимоий тармоқларда актрисага турли босимлар, ҳақоратлар, кинони тарк этиши лозимлиги ҳақида изоҳлар келиши бунга далилдир.
Несрин Жавадзаде
Несрин Жавадзаде турк кинематографиясининг энг ёрқин актрисаларидан бири саналади. Унинг унинг маҳорати ва образни тўлиқ очиб бериш қобилияти Несринга машҳурроқ актрисалардан ажралиб туриш имконини беради. Актриса иштирокидаги деярли барча лойиҳалар муваффақиятли чиққан. Айниқса, унинг “Қора ният”даги Шаҳика образи сабаб машҳурликка эришган, аммо режиссёр билан келишмовчилик туфайли лойиҳани эрта тарк этган.
Несрин “Қора ният” дан аввал 20 дан ортиқ фильм ва сериалларда суратга тушган. Унинг “Уч қуруш” детектив драмасидаги Баҳар образи айниқса диққатга сазовор. Унда актриса ва ниҳоят асосий роллардан бирида порлай олди. Жавадзаде “Менинг ажойиб ҳаётим” сериалида ҳам иштирок этган.
Ознур Серчелер
Ознур Серчелер кўпинча сюжет марказида намоён бўлмаса-да, унинг моделларга хос қиёфаси мухлислар эътиборига тушган ва актриса иштирок этадиган ҳар қандай лойиҳанинг ажралмас қисмига айлантирган.
Ознурни кўпчилк илк бор “Тўлин ой” ва “Тўрғай” романтик комедиялари туфайли таниган. 2022 йилда Серчелер машҳур “Қўрғон сирлари” сериалида бадавлат Асуман Корхан хоним ролини ижро этди ва қисқа муддатда дунёга машҳур юлдузга айланди. Келажакда Ознур мусиқа соҳасидаги карьерасини ҳам ривожлантириш умидида.
Зеҳра Йилмаз
Йилмаз телевидениедаги фаолиятини 2016—2017 йилларда бош ролни ижро этган “Бодрум эртаги” телесериалидаги Раъно роли билан бошлаган. Унинг карьераси аллақачон кўплаб муваффақиятли лойиҳаларни ўзи ичига олади. Актриса ҳар бир лойиҳада ўз ишига юқори даражадаги тайёргарлик ва садоқатни намойиш этади.
“Ҳукмдор Усмон” тарихий драмасидаги Селви Хотун образи актрисанинг ижоди янги босқичга кўтарилишига ёрдам берди. Сўнг актриса машҳур “Қалб яраси”, “Ёзги қўшиқ” ва “Чексиз муҳаббат” каби лойиҳаларда иштирок этди.
Тувана Туркай
Тувана Туркай ҳам аксарият ҳолларда эпизод ролларни ижро этган бўлса-да, актриса серқирра образлар яратишда ўз маҳоратини кўрсата олган. Унинг харизмаси ва профессионаллиги Туркайни ҳар бир лойиҳада ёрқин образга айлантиради.
Тувана Туркай “Самовий севги”, “Пул ва ишқ”, “Қоғоз уй” ва бошқа кўплаб телесериалларда иштирок этган. 2020 йилда у “Оғир романтика” фильмида бош ролни ўйнаган.
Шафак Пекдемир
Шафак Пекдемир ҳам ўзининг иккинчи даражали роллари билан томошабинларга узоқ вақтдан бери таниш. Кўпчилик бу актрисани “Тақиқланган севги” фильмидаги роли туфайли кашф этди. Сўнг Пекдемир “Шам кўтарган ёлғончилар" сериалида қатнашди, аммо лойиҳанинг рейтинги пастлиги туфайли сериал муваффақиятсизликка учради.
Шунингдек, Шафакнинг “Сенданда гўзал” сериалидаги яна бир ажойиб образи актрисага дизи оламида танилишига сабаб бўлди.
Изоҳ (0)