Тошкент вилоятининг Янгийўл туманидаги асосий қатнов йўлдаги кўприкнинг бетон тутқичи қулаб тушгани, хавфли вазият юзага келгани айтилган видео тарқалди.
Маълум бўлишича, ҳолат бугун, 2025 йилнинг 8 март куни содир бўлган.
-8DT72UHA.jpg)
Мостдаги плитанинг биттаси синиб кетди. Ярим метрни жойни асфалтнинг ўзи ушлаб турибди. Одам ёки чеккадан машина ўтса, тушиб кетади, дейди видеомуаллифи.
-8u7rUhjf.jpg)
Ҳолатни тасвирга олган фуқаронинг қўшимча қилишича, бу кўприк Янгийўл туманининг “Қўшёғоч” маҳалласида жойлашган.
Мазкур ҳолатга муносабат билдирган Тошкент вилояти ИИБ ЙҲХБ кўприк шикастланганини тасдиқлади.
Ушбу шикастланиш вақтида кўприкда фуқаролар ва транспорт воситалари бўлмаган. Ҳозирда кўприк тегишли ташкилотлар ва Йўл ҳаракати хавфсизлиги хизмати ходимлари томонидан назоратга олинган бўлиб, ҳаракат иштирокчиларини хавфсизлик ҳаракатланиш чоралари кўрилди, дейди масъуллар.
Изоҳ (0)