Фото: 2020 йилда ўзбекистонликларнинг эътиборини тортган йил воқеалари акс этган суратлар
«Дарё» 2020 йилда жамоатчилик диққат марказида бўлган, ижтимоий тармоқларда фаол тарзда муҳокама қилинган воқеалар акс этган йил суратлари, видеолавҳаларидаги кадрларни ёдга олади.
Фарғона вилояти ҳокими Шуҳрат Ғаниев Озодбек Назарбековни ўзига хос кўринишда қўлтиқлаб олгани ва Алламжонов уларга «ҳайрат билан» тикилиб тургани акс этган сурат ижтимоий тармоқни портлатган навбатдаги ҳодиса бўлди. 2020 йил, 22 январь.Фото: «Qalampir.uz»
Тошкентда 24 январь куни кузатилган зилзила оқибатида институт хонасидаги шифт кўчиб тушди. 2020 йил, 24 январь.Фото: Водийбозор
Рустам Азимов 2,5 йилда биринчи марта давлат тадбирида «кўриниш берди». 2020 йил, 24 январь.Фото: «Qalampir.uz»
Ўзбекистон фуқароларини коронавирус тарқала бошлаган Хитойнинг Ухань шаҳри ва бошқа ҳудудларидан олиб келиш учун ташкил қилинган чартер рейснинг дастлабки самолёти Тошкент халқаро аэропортига келиб қўнди. 2020 йил, 4 февраль.Фото: Соғлиқни сақлаш вазирлиги матбуот хизмати
Тошкентдаги автобуслар юқумли касалликларга қарши дезинфекция қилинди. 2020 йил, 6 февраль.Фото: Тошкент шаҳар ҳокимлиги матбуот хизмати
Боёвут туманига аёл киши ҳоким этиб тайинланди. 2020 йил, 18 февраль.Фото: Сирдарё вилояти ҳокимлиги ахборот хизмати
Футбол бўйича Европа Чемпионлар Лигаси Кубоги 22 февраль, шанба куни Тошкентга олиб келинди. 2020 йил, 22 февраль.Фото: «Дарё»
Ўзбекистонда коронавирус тарқалган 14 давлатдан келган фуқароларни карантинга олиш ҳақида қарор қабул қилинди. Карантинни бузганлар жавобгарликка тортиладиган бўлди. 2020 йил, 4 март.Фото: Uzbekistan Airways
Тошкентда 8 март куни бир аёлга тегишли BMW X5 ва Mercedes GLC ёниб кетди. 2020 йил, 8 март.Фото: Telegram / @shopirlar
Наманганда Lacetti ҳайдовчиси йўловчи қиз машина люкидан чиқиб рақс тушгани учун жаримага тортилди. 2020 йил, 9 март.Фото: Telegram / @Namanganliklar
Тошкентдаги портлаш оқибатида икки киши ҳалок бўлган. 2002 йил, 14 март.Фото: Учтепа тумани ҳокимлиги матбуот хизмати
Habikatura каналида коронавирус ҳақида чиққан ҳазиломуз карикатура ижтимоий тармоқларни ларзага келтирди. 2020 йил, 14 март.Фото: Habikatura
Собиқ Санитария-эпидемиологик осойишталик агентлиги директори Баҳром Алматов Ўзбекистонда коронавирус билан боғлиқ илк ҳолат қайд этилганини эълон қилмоқда. 2020 йил 15- март.Фото: Ўзбекистон24
Бутун дунё бўйлаб шифокорлар карантин вақти одамларни уйда ўтиришга чорлади. Ўзбекистонлик соҳа ходимлари ҳам унга қўшилди. 2020 йил, 20 март.Фото: ССВ матбуот хизмати
Супермаркетда картошка билан нонни битта саватга солиб, ўзбекларга соғлиқ тилаган АҚШ элчиси муҳокамаларга сабаб бўлди. 2020 йил, 27 март.Фото: Дениел Розенблюм
Тошкент шаҳрини Миллий гвардиянинг махсус техникалари ёрдамида дезинфекция қилиш бошланди. 2020 йил, 28 март.Фото: Миллий гвардия
Мудофаа вазирлигининг махсус мутахассислари Тошкентни дезинфекция қилишга киришди. 2020 йил, 28 март.Фото: Мудофаа вазирлиги ахборот ва оммавий коммуникациялар департаменти
ДХА 1 апрелгача шахсий автомобиллардан рухсатномасиз фойдаланиш мумкинлигини рад этди. 2020 йил, 30 апрель.Фото: Telegram
Тошкентдан Термизга юк машинасида келган 8 нафар фуқаро карантинга олинди. 2020 йил, 30 март.Фото: Сурхондарё ИИБ ахборот хизмати
Самарқандда 6 апрель куни кузатилган кучли ёмғирдан сўнг шаҳарда сув тошқинлари юз берди, ўнлаб хонадонлар сув остида қолди. Бемор аёлни замбилда белигача сув кечиб кўтариб кетаётган самарқандлик тиббиёт ходимларининг сурати эса ижтимоий тармоқларда энг кўп айланган ва энг кўп муҳокама қилинган фотога айланди. 2020 йил, 6 апрель.Фото: Telegram
Қашқадарёлик ҳайдовчи Spark’ни сув қувури устидан олиб ўтди. 2020 йил, 8 апрель.Фото: Telegram
Тошкент вилоятининг Чирчиқ шаҳридаги тўйхона тиббий ниқоблар ишлаб чиқарадиган яширин цехга айлантирилган. 2020 йил, 9 апрель.Фото: Давлат солиқ қўмитаси матбуот хизмати
Ўзбекистон ҳукумати аъзолари вирус блокаторларини тақишни бошлади. 2020 йил, 9 апрель.Фото: Президент матбуот хизмати
Бухоро вилоятида 27 апрель оқшомида кузатилган кучли шамол ва ёмғир натижасида катта талафотлар юз берган. 2020 йил, 27 апрель.Фото: Президент матбуот хизмати
Сардоба сув омборидан сув сизиб чиққани сабаб бир қатор аҳоли пунктлари эвакуация қилинди. 2020 йил, 1 май.Фото: ФВВ
Сирдарёдаги тошқин оқибатида камида 70 та уй ҳайвони нобуд бўлган. 2020 йил, 4 май.Фото: ФВВ матбуот хизмати
Бош вазир Абдулла Арипов Сўхда аҳоли билан учрашди. 2020 йил, 1 июнь.Фото: Telegram
Республика махсус комиссиясининг 30 майдаги қарори билан «яшил» тоифага киритилган ҳудудларда оилавий тантана, тўй, маърака ва маросимларни 30 кишидан кўп бўлмаган ҳолда ўтказишга рухсат берилди. 2020 йил, 3 июнь.Фото: Telegram
«Ганга» кўприги устида 7 та машина тўқнашди. 2020 йил, 3 июнь.Фото: ЙҲХББ
Самарқанд вилоятида 27 июнь куни икки бошли чақалоқ дунёга келди.Фото: «Дарё»
2019 йилда кириш имтиҳонларидан «йиқилган» 79 ёшли отахон 2020 йилда ҳам талабаликка ҳужжат топширди ва ўқишга кира олмади. 2020 йил, 1 июль.Фото: ЎзА
Республика махсус комиссиясининг қарори билан 2020 йил 18—19 июль ҳамда 25—26 июль (шанба ва якшанба) кунлари бутун сутка давомида республика миқёсида ҳаракатланиш, автотранспорт воситаларининг, шу жумладан, йўналишсиз таксиларнинг ҳаракати тўлиқ тўхтатилган эди. 2020 йил, 19 июль.Фото: Twitter/Davletov.uz
Ўзбекистон Президенти Шавкат Мирзиёев 27 июль куни илк марта ниқобда кўриниш берди.Фото: Президент матбуот хизмати
Наманганда автотранспорт ҳаракатланиши чекланган куни рўй берган Cobalt ва Damas русумидаги Тез ёрдам машиналари тўқнашув оқибатида бир киши ҳалок бўлди. 2020 йил, 27 июль.Фото: Наманган вилоят ИИБ ЙҲҲБ матбуот хизмати
Сергелида аҳоли ва маҳалла маъмурияти ўртасида 1 млн сўмлик нақд пул ёрдами устида можаро юз берди. 2020 йил, 1 август.Фото: Telegram
Коронавирусга чалинганларга руҳий далда бериш учун шифокорлар «Лазги»га рақсга тушди. 2020 йил, 4 август.Фото: Telegram
Учтепа туманидаги учта маҳалла аҳолиси Тошкент вилояти таркибига ўтишга қарши чиқди. 2020 йил, 6 август.Фото: Telegram
Тошкент вилояти Қибрай туманида саёҳат чамадонидан мурда топилган. Марҳум илгари Ўзбекистон Олий судида таъминотчи вазифасида ишлаган. 2020 йил, 13 август.Фото: Бош прокуратура
Сергелида онаси ва 3 ойлик чақалоғи билан ертўлада яшаган 24 ёшли аёлга сенаторлар вақтинчалик уй топиб берди. 2020 йил, 13 август.Фото: Олий Мажлис Сенати ахборот хизмати
Тошкентдаги автобусларга электрон тўловларни қабул қилиш учун валидаторлар ўрнатилди. 2020 йил, 14 август.Фото: «Тошшаҳартрансхизмат»
Ўзбекистон бўйлаб карантиндан кейинги илк жамоат намозлари адо этилди. 2020 йил, 17 август.Фото: Ўзбекистон мусулмонлари идораси
Ижтимоий тармоқларда Фарғона вилояти кўчалари исириқ ёрдамида дезинфекцияси қилинаётгани тасвирланган видео тарқалди. 2020 йил, 18 август.Кадр: Telegram
Очиқ осмон остида ўтаётган Ўзбекистон ОТМларига кириш имтиҳонлари акс этган сурат The New York Times муқовасидан ўрин олди. 2020 йил, 3 сентябрь.Фото: Telegram / Davletov.uz
Пастдарғомда «1000 та жўжа боқиб, камбағалликдан қутулган йигит» маҳалла раисининг ўғли, туман прокурори эса шу «спектакль» муаллифларидан бири бўлиб чиқди. 2020 йил, 8 сентябрь.Фото: «Kun.uz»
Тошкент вилояти бош инфекционисти ҳибсга олинди. У шифохонадаги муаммолар ҳақида очиқ гапирганди. 2020 йил, 10 сентябрь.Фото: «Kun.uz»
Наманганда икки эркакни дўппослаган 23 ёшли қиз ижтимоий тармоқларнинг чинакам маънодаги кенг муҳокамаси марказида турди. 2020 йил, 8 сентябрь.Фото: «Дарё»
Саида Мирзиёева ўғилли бўлди. Унга бобосининг шарафига Шавкат исми қўйилди. 2020 йил, 11 сентябрь.Фото: Telegram / Саида Мирзиёева
Наманган вилояти ҳокими ўзгарди — 25 сентябрь куни Президент администрацияси раиси ва бош вазир бошчилигида ўтказилган вилоят фаоллар йиғилишида 2015—2017 йилларда Наманган тумани, 2017—2020 йилларда Наманган шаҳри ҳокими сифатида ишлаган Шавкатжон Абдураззоқов Наманган вилоятининг янги раҳбари сифатида таништирилди. Тадбирда янги ҳоким эски ҳоким — Хайрулло Бозоровга зарбоф тўн ва дўппи кийдирган. Бозоров Фарғона вилоятига ҳоким этиб тайинланди. 2020 йил, 25 сентябрь.Фото: Наманган вилояти ҳокимлиги ахборот хизмати
Шуҳрат Ғаниев бош вазир ўринбосари этиб тайинланди. 2020 йил, 25 сентябрь.Фото: ЎзА
Қашқадарёда ЙПХ инспекторлари ва Эзгулик патрули намозга шошаётган отахонларга хизмат кўрсатди. 2020 йил, 25 сентябрь.Фото: «Дарё»
Гулистондаги Коронавирус инфекциясига гумон қилинган ёки касалланган беморларга тиббий ёрдам кўрсатиш, саралаш ва тақсимлаш марказига айлантирилган «Алпомиш» спорт мажмуасида 7 октябрь куни соат 8:13 да портлаш юз берди. ФВВ маълумотига кўра, мажмуада кислород баллони портлаган. Вилоят ИИБнинг хабар беришича, ҳодиса оқибатида вафот этганлар йўқ, фақат бир киши — фуқаро Д.М. тан жароҳати олиб, касалхонага ётқизилган. Ижтимоий тармоқларда ҳодиса оқибатлари акс этган кўплаб фото ва видеоёзувлар тарқалди — уларда портлаган кислород баллонлари бўлаклари Гулистон шаҳрининг турли бурчакларига қулаганини кўриш мумкин. Қайд этишларича, мажмуадаги беморлар Республика шошилинч тиббий ёрдам илмий маркази Сирдарё вилояти филиали, вилоят кўп тармоқли тиббиёт маркази, болалар кўп тармоқли тиббиёт маркази ва вилоят тери-таносил касалликлари диспансерига тўлиқ кўчирилган — эвакуация жараёнида кислородга уланган беморлар, ижтимоий тармоқларда тарқалган суратларда кўриш мумкин бўлганидек, кислород баллонлари билан бирга кўчирилган.Фото: Telegram / @tentakminds
Тошкент шаҳрида 19 октябрдан бошлаб жамоат транспорти йўловчиларнинг тиббий ниқоб ва қўлқопда бўлиш тартиби жорий этилганидан кейин ижтимоий тармоқларда ишлатилган қўлқоплар билан тўлган чиқинди идишлари ва улар билан ифлосланган ерости пиёдалар йўлакларининг ҳолати акс этган суратлар тарқалди ва муҳокамаларга сабаб бўлди.Фото: Telegram
Uzbekistan GTL заводи қурилишида ишчиларининг оммавий норозилиги келиб чиқди. 2020 йил, 21 октябрь.Фото: Telegram
Tashkent City ҳудудида қурилаётган биноларнинг бирида ёнғин юз берди. 2020 йил, 4 ноябрь.Фото: Фавқулодда вазиятлар вазирлиги
Ижтимоий тармоқларда Қашқадарё вилояти маъмурий маркази Қарши шаҳрида йўл бўйидаги чимлар яшил рангга бўяб чиқилаётгани акс этган фото ва видеолар тарқалди. 2020 йил, 12 ноябрь.Фото: Telegram
Бутунжаҳон болалар куни муносабати билан Ўзбекистондаги диққатга сазовор жойлар кўк рангда порлади. 2020 йил, 20 ноябрь.Фото: Telegram
Андижонда мактаб ўқувчилари меҳмонларни кутиб олиш учун устки кийимларсиз совуққа олиб чиқилди. 2020 йил, 22 ноябрь.Фото: Telegram / @Safari
Каттақўрғонда электрсиз қолган иссиқхона бир кечада 35 минг доллар зарар кўрди. 2020 йил, 22 ноябрь.Фото: Twitter
«Нефтчи»—«Турон» ўйини машмашаси: Беш киши 15 суткага қамалди, олти кишига нисбатан жиноят иши очилди. 2020 йил, 2 декабрь.Фото: Telegram
Суриядан Ўзбекистонга «Меҳр-3» операцияси доирасида 25 нафар аёл ва 73 нафар бола қайтарилди. 2020 йил, 8 декабрь.Фото: UzReport-TV
Маданият вазирлиги Тошкент курантларидаги лента ва бантларни олиб ташлашни талаб қилди. 2020 йил, 9 декабрь.Фото: Telegram / «ЯсноПонятно»
Бухоро шаҳар прокурори Жасур Фозилов бир неча марта ижтимоий тармоқлар орқали Президентга мурожаат қилди. 2020 йил, декабрь.Фото: «Дарё»
Ижтимоий тармоқларда бир аёл икки фарзандини сувга ташлаб, уларни ўлдиришга урингани акс этган видеоёзув тарқалди. Болалар Ширин шаҳар экология ва атроф-муҳитни муҳофаза қилиш бўлими ходимлари томонидан қутқариб қолинган. 2020 йил, декабрь.Фото: Кадрдан скриншот
Хазораспда қизил паспорт учун катта навбат юзага келди. 2020 йил, декабрь.Фото: Telegram
Навоий вилояти ҳокими Қобул Турсунов 23 декабрь, чоршанба куни «Ёшлар фестивали» доирасида Ёшлар парламенти аъзолари, вилоят сардорлар кенгаши вакиллари, ёшлар етакчилари ҳамда Ўзбекистон ёшлар иттифоқида фаолият юритаётган бир гуруҳ кўнгиллилар билан учрашди.Фото: Навоий вилояти ҳокимлиги
Тошкент шаҳар ҳокими Жаҳонгир Ортиқхўжаев 23 декабрь куни бўлиб ўтган Tashkent City TikTok Awards 2020 тақдимотида қатнашди.Фото: «Afisha.uz»
юз берди. Бош прокуратура бунга изоҳ берди. 2020 йил, 15 февраль." data-action="zoom" class="border lazyload" />
Изоҳ (0)