Наманган вилояти Тўрақўрғон туманида қоида бузган ўғлининг машинасини жарима майдонидан олиб чиқиб, баённомани йўқ қилиш бериш учун йўл-патруль хизмати ходимига пора берган ота қўлга олинди. Бу ҳақда вилоят Ички ишлар бошқармаси хабар қилди.
Қайд этилишича, 22 февраль куни йўл-патруль хизмати инспектори шахсий хавфсизлик вилояти бошқармаси бошлиғи номига билдирги билан мурожаат қилган. У шу куни Тўрақўрғон тумани ҳудудида хизмат олиб бораётган вақтида «Чуст кўприк» МФЙ ҳудудида 2003 йилда туғилган ҳайдовчи бошқарувидаги «ЗИЛ-131» юк автомашинасини тўхтатганини маълум қилган. Ходим тегишли ҳужжатларни тақдим этишни сўраганида ҳайдовчи транспорт воситасини бошқариш ҳуқуқини берувчи ҳужжатларсиз бошқаргани аниқланган. Унга нисбатан маъмурий баённома расмийлаштирилиб, автомашина вақтинчалик жарима майдонига олиб кирилган.
Ҳайдовчининг отаси автомашинани жарима майдонидан чиқариб бериш ва тузилган маъмурий баённомани йўқ қилиб беришни сўраб, эвазига 1 миллион сўм таклиф қилган. ЙПХ инспектор ушбу фуқарога нисбатан қонуний чора кўришни сўраган.
Инспекторнинг билдиргисига асосан шу куни масъул ходимлари ва прокуратура департаменти туман бўлими ходимлари билан ҳамкорликда тезкор тадбир ўтказилган. Наманган шаҳрида яшовчи ҳайдовчининг отаси (1979 йилда туғилган) Тўрақўрғон туманидаги автомобилларни вақтинча сақлаш жарима майдони ҳудудида инспекторга 1 миллион сўм пулларни берган вақтида ушланган.
Ҳолат бўйича Жиноят кодексининг 211-моддаси (пора бериш) 1-қисми билан жиноят иши қўзғатилган.
Мавзуга доир:
Изоҳ (0)