Навоий вилоятининг Конимех тумани, “Саржал” МФЙ ҳудудидан ўтувчи А-379 Навоий—Учқудуқ йўлининг 86-87-километрларида 7 март куни соат 09:40 ларда ЙТҲ содир бўлди. Бу ҳақда вилоят ИИБ ЖХХ ЙҲХБ ахборот хизмати хабар берди.
Маълум қилинишича, Damas ҳайдовчиси бошқарувни йўқотиб, қарама-қарши йўналишга чиқиб кетган. Натижада у ўз йўналишида ҳаракатланиб келаётган Cobalt билан тўқнашган.
Ҳодиса оқибатида Damas йўловчиси тан-жароҳати олиб, туман шифохонасига ётқизилган.
Ҳозирда мазкур ҳолат юзасидан Конимех туман ИИБ Тергов бўлими томонидан суриштирув ҳаракатлари олиб борилмоқда.
Содир бўлаётган ЙТҲлар
5 декабрь куни Тошкент шаҳрининг Мирзо Улуғбек ва Юнусобод туманларида 1,5 соат ичида ЙТҲлар содир бўлгани ҳақида хабар берилганди. Шунингдек, 6 декабрь куни Юнусобод ва Яшнобод туманларида ЙТҲлар содир бўлганди.
3 ноябрь тунда пойтахтнинг учта туманида ЙТҲ содир бўлди. Сергелида Spark ва Matiz тўқнашди, Юнусободда Lacetti йўл четидаги бетон устунга бориб урилди, Мирзо Улуғбек туманида Lacetti ва BMW тўқнашди.
11 ноябрь куни Миробод туманидаги Санъат музейи қаршисида Lacetti King Long автобуси орқасига бориб урилди. 16 ноябрда Яккасарой туманида Malibu йўл четидаги темир устунга урилди ва ҳайдовчи ва йўловчиси жароҳат олди.
17 ноябрь куни Юнусобод туманида Toyota, Malibu-2 ва Cobalt автомашиналари иштирокида ЙТҲ содир бўлди. 24 ноябрь куни Мирзо Улуғбек туманида Spark ва Epica тўқнашиб, ёниб кетди. Ҳодиса оқибатида ҳалок бўлганлар йўқ.
Мирзо Улуғбек туманида 28 ноябрь куни соат 16:10 ларда 5 та автомашина иштирокида ЙТҲ содир бўлди.
Аввалроқ Ўзбекистонда автомобилни такроран маст ҳолда бошқарганлик учун жиноий жавобгарлик белгиланаётгани ҳақида хабар берилганди.
Изоҳ (0)