Қалин қор ёғгани сабабли Қамчиқ довони 7-март куни вақтинча ёпилгани хабар қилинганди. ФВВнинг хабар беришича, довонда қолиб кетган қарийб минг киши меҳмонхонага жойлаштирилди.
Қайд этилишича, ФВВ, ЙПХ ва “Қамчиқавтойўл” ИЙФУК ходимлари ҳамкорлигида йўлни қордан тозалаш, музламалар ҳосил бўлишининг олдини олиш ва қум-туз аралашмасини сепиш ишлари олиб борилмоқда. ФВВ қутқарувчилари томонидан назорат тадбирлари олиб борилиб, йўлда қолиб кетган ҳайдовчи ва уларнинг автотранспорт воситаларига ёрдам кўрсатилмоқда.
Шу билан бирга, хоҳловчи йўловчилар учун ФВВнинг исиниш масканлари ташкил этилган. Фавқулодда вазиятлар вазирининг топшириғи билан жойда вазирнинг биринчи ўринбосари жараённи мувофиқлаштириб бормоқда.
Шунингдек, Ангрен шаҳрида жойлашган 19 та ошхона, 4 та меҳмонхоналарга 790 нафар эркак, 130 нафар аёл ва 38 нафар болалар вақтинча жойлаштирилди.
А-373 халқаро автомобиль йўлининг Қамчиқ довони қисмида автомобиллар ҳаракати соат 14:30 дан вақтинча ёпилди. Махсус техникалар ёрдамида довон йўлини қордан тозалаш ишлари амалга оширилмоқда.
-PV9ujTdF.jpg)
ФВВ матбуот хизматининг билдиришича, айни дақиқаларда вазирлик раҳбарлигида тегишли ташкилотларнинг мутахассислари томонидан вазият оқибатларини бартараф этиш борасида кенг кўламли профилактик тадбирлар амалга оширилмоқда.
Изоҳ (0)