Қамчиқ довонида 5 ноябрь куни соат 13:30 ларда юк машинаси ёниб кетди.
ЙҲХБ матбуот хизматининг хабар қилишича, ёнғин довон ҳудудидан ўтувчи А-373 автомобиль йўлининг 258-километрида Тошкент—Водий йўналишида ҳаракатланиб келаётган юк автомобилининг носоз олд ғилдираги чиқиб кетиши натижасида келиб чиққан.
Ҳодиса натижасида тан жароҳати олганлар йўқ. Қамчиқ довони бўйича ЙПХ отряди ва ФВВ ходимлари ҳолатни тўлиқ назоратга олган. Ушбу йўналишда ҳаракат ёнғин ўчирилгунча вақтинча тўхтатилган.
3 ноябрь куни ҳам Қамчиқ довонида юк автомобилида қисқа туташув сабабли ёнғин юзага келганди.
Изоҳ (0)