“Наманган” ЙПХ масканида ЙҲХХ “Қамчиқ” довони бўйича ЙПХ отряди ходимлари томонидан “Водий-Тошкент” йўналишида ҳаракатланиб келган Lacetti автомобили 2 октябрь куни соат 15:45ларда тўхтатилиб, текширилди. Бу ҳақда Йўл ҳаракати хавфсизлиги хизмати хабар берди.
Маълум қилинишича, автомашина салонида бўлган йўловчи, 1997 йилда туғилган И.К. турли хатти-ҳаракатлари билан ходимларда шубҳа уйғотган.
Холис ва гувоҳлар иштирокидаги текширув давомида И.К.нинг ёнида бўлган тамаки қутиси ичидан тўқ яшил рангли, ўткир ҳидли, кўринишидан гиёҳвандлик воситасига ўхшаш модда топилган.
Ҳолат юзасидан ўрнатилган тартибда ҳужжатлар расмийлаштирилиб, ҳайдовчи ва йўловчи ҳамда топилган модда Поп тумани ИИБ ходимларига топширилган.
Аввалроқ, Тошкентда автомашинасида гиёҳвандлик моддаси олиб юрган шахс ушлангани ҳақида хабар берилган.
Бундан ташқари, Ўзбекистонга қўшни давлатлардан олиб келинган наркотик ва кучли таъсир қилувчи дори воситалари ортидан 13 киши қамоққа олингани тўғрисида хабар берилганди.
Изоҳ (0)