Қамчиқ довонида автомобилларда болаларни белгиланган талабларга зид равишда олиб кетилаётгани аниқланди. Бу ҳақда “Дарё” мухбири Азизбек Абдувалиев хабар бермоқда.
“Наманган” йўл-патрул масканида Транспорт назорати инспекцияси Наманган вилоят ҳудудий бўлими ходимлари томонидан KIA Carnival, Honda, JAC ва Damas русумли автотранспорт воситалари тўхтатилиб текширилганда, уларда жами 35 нафар ўқувчи бола Тошкент шаҳрида ўтказиладиган спорт мусобақасида иштирок этиш учун олиб кетилаётганлиги аниқланди.
Суриштирувлар натижасида болаларни ташишда ҳукумат қарорининг тегишли талаблари бузилгани аниқланди. Хусусан, мазкур автотранспорт воситалари йўл ҳаракати хавфсизлиги тузилмалари кузатув автомобилларисиз ҳаракатланган, соҳа мутасаддилари огоҳлантирилмаган, етакчилар бириктилмаган, қолаверса, улардаги болалар сони белгиланган меъёрлардан кўп бўлган.
Ҳайдовчиларга бу ҳақда батафсил тушунтирилди ва уларнинг автомобиллари ортга қайтарилди.
Изоҳ (0)