Шаҳрисабз шаҳар ФВБга 28 декабрь куни соат тахминан 08:45 ларда автомобиль ёнаётгани бўйича хабар келиб тушган.
Воқеа жойига 5 та ёнғин-қутқарув бўлинмаси соат 08:48 да етиб бориб, ёнғин 09:51 да тўлиқ ўчирилган.
Аниқланишича, Шаҳрисабз шаҳар Ипак йўли кўчасида жойлашган автомобилларга ёнилғи қуйиш шохобчаси ҳовлисида, “Зил 130” ёнилғи ташувчи автомобиль ёнган.
Ҳодиса оқибатида ҳеч ким тан жароҳати олмаган. Ҳозирда ёнғин сабаби ва зарари аниқланмоқда.
Шунингдек, 28 декабрь куни соат 13:40 ларда Шайхонтоҳур тумани, Фурқат кўчасида Cobalt автомашинасида ёнғин келиб чиққан.
Ёнғин туман ФВБ ходимлари томонидан бартараф этилган. Ҳодиса оқибатида тан жароҳати олганлар йўқ.
Ҳолат юзасидан суриштирув олиб борилиб, ёнғин юзага келишининг сабабларига аниқлик киритилмоқда.
3 ноябрь куни ҳам Қамчиқ довонида юк автомобилида қисқа туташув сабабли ёнғин юзага келганди.
Шунингдек, Қамчиқ довонида 5 ноябрь куни соат 13:30 ларда юк машинаси ёниб кетганди.
Изоҳ (0)