Қамчиқ довонида портлатиш ишлари амалга оширилиши сабабли ҳаракат вақтинча чекланди. Бу ҳақда ЙҲХХ хабар берди.
Маълум қилинишича, Қамчиқ довони ҳудудидан ўтувчи А-373 автомобиль йўлининг 254,6 ва 258-километрлари оралиғида табиий офат оқибатларини бартараф этиш мақсадида бурғилаш ва портлатиш ишлари амалга оширилиши муносабати билан бугун, 18 сентябрь куни соат 10:00 дан бошлаб ушбу ҳудудда транспорт ҳаракати вақтинча чекланди.
Шунингдек, ФВВ довон қайта очилиши бўйича қўшимча маълумот тақдим этилишини маълум қилди.
Бундан аввал Қамчиқ довонида юк машинаси тормози ишламай қолиши оқибатида содир бўлган ЙТҲда икки киши ҳалок бўлгани ҳақида хабар берилганди.
Изоҳ (0)