Андижон вилоятининг Шаҳрихон туманида яшовчи ҳайдовчи ўзининг Cobalt’ида 43 та қоидабузарлик содир этгани аниқланди. Бу ҳақда МИБ Андижон вилоят бошқармаси ахборот хизмати “Дарё”га хабар берди.
Маълум қилинишича, Шаҳрихон туманида яшовчи Д.И. бошқарувидаги Cobalt автомашинасида ўтган 5 ой давомида 43 маротаба тезликни ошириб қоидабузарлик содир этган ва бу учун жами 20,1 миллион сўм маъмурий жаримага тортилган.
Ижро ҳаракати давомида ушбу шахсдан содир этган қоидабузарликлари учун 20,1 млн сўм жарима ҳамда ўз муддатида тўламагани учун 2,1 млн сўм қўшимча жарима пуллари ундирилди.
Аввалроқ Тошкентда Spark ҳайдовчисининг 54 та жаримаси борлиги, яна бир ҳайдовчининг эса ижарадаги Matiz’ида 118 та қоидабузарлик содир этгани аниқланганди.
Қамчиқ довонида жарималардан 100 млн сўм қарзи бор Nexia-2 ушлангани ҳақида хабар берилганди.
Изоҳ (0)