Сирдарёда аёл кишининг 6,7 килодан ортиқ тақинчоқни чегарадан яширинча олиб ўтиши, Наманганда трактор тиркамаси ағдарилиши оқибатида 15 ёшли боланинг ҳалок бўлиши, Чирчиқ шаҳри ҳокими ўринбосарининг 1 млн доллар пора олаётганда ушланиши — “Дарё” нашри бугун, 5 ноябрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ховос тумани ҳокими ўринбосари 7 йилга озодликдан маҳрум қилинди
У коррупцияда айбланиб қўлга олинганди.
Деҳқонобод тумани ҳокими ўринбосари қамоққа олинди
Хатирчи ва Шаҳрихон тумани ҳоким ёрдамчилари фирибгарликда гумонланиб ушланди.
Сирдарёда аёл 6,7 килодан ортиқ тақинчоқни чегарадан яширинча олиб ўтмоқчи бўлди
У тилладан ясалган, бриллиант тошлар ўрнатилган заргарлик буюмларини олиб ўтишда неварасидан ҳам фойдаланган.
Зулфия мукофоти талабгорларини танлаш тартиби белгиланди
Талабгорларни танлаш ва уларнинг ҳужжатларини тақдим этиш тартиби тўғрисидаги низом тасдиқланди.
Қамчиқ довонида яна юк машинаси ёниб кетди (видео)
Ёнғин автомобилнинг носоз олд ғилдираги чиқиб кетиши натижасида содир бўлган.
Наманганда трактор тиркамаси ағдарилиши оқибатида 15 ёшли бола ҳалок бўлди
Ҳолат юзасидан жиноят иши қўзғатилди.
Хоразмда ичимлик суви учун тўлов қилинган 380 млн сўмни ўзлаштирган шахслар ушланди
Ҳолатлар юзасидан жиноят ишлари қўзғатилиб, тергов ҳаракатлари ўтказилмоқда.
“Загран” паспортини почта орқали етказиб бериш хизмати йўлга қўйилади
Шунингдек, хорижга чиқиш биометрик паспортини берганлик учун ундириладиган давлат божи суммаси қайта тақсимланади.
Шавкат Мирзиёев Бишкекка етиб борди
“Манас” халқаро аэропортида олий мартабали меҳмонни Қирғизистон Республикаси Вазирлар Маҳкамаси раиси кутиб олди.
Ўзбекистонда 2030 йилгача “яшил” энергия манбалари 40 фоизга етказилиши кутилмоқда
Абдулла Арипов еттинчи Хитой халқаро импорт маҳсулотлари кўргазмаси доирасидаги иқтисодий форумда иштирок этди.
Чирчиқ шаҳри ҳокими ўринбосари 1 млн доллар пора олаётганда ушланди
Унга нисбатан жиноят иши қўзғатилди ва қамоқ эҳтиёт чораси қўлланди.
Жиззахда фуқаро қарийб 800 млн сўмлик “свет”дан ноқонуний фойдалангани аниқланди
Ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Тошкентда Matiz ҳайдовчиси “пешеход”дан ўтаётган 83 ёшли пиёдани уриб юборди
Пиёда тан жароҳати олганлиги сабабли шифохонага ётқизилган.
Халқ табобати йўналишида рухсат этилмаган усулларда даволаш хизматларини реклама қилиш тақиқланди
Мазкур хизматларни омма олдида тарғиб қилганлик учун ҳам маъмурий жавобгарлик белгиланмоқда.
Тошкент вилоятида МИБ ходими 3 минг доллар пора олаётганида ушланди
Шунингдек, Зангиотада солиқчи ва “Яллама” чегара божхона пости ходими ҳам пора билан қўлга тушди.
Изоҳ (0)