Тошкент шаҳридан олиб қочилган Equinox “Қамчиқ” довонида ЙПХ ходимлари томонидан ушланди. Бу ҳақда Йўл ҳаракати хавфсизлиги хизмати хабар берди.
Маълум қилинишича, 25 сентябрь куни фуқаро Ғ.О. ўз бошқарувида бўлган Equinox автомобили қолдирилган жойида йўқлиги юзасидан “102” тизимига хабар берган. Келиб тушган хабарга кўра, ИИВ ЖХД Йўл ҳаракати хавфсизлиги хизмати Навбатчилик қисми томонидан “Тўсиб ушлаш” режаси эълон қилинган.
Ушбу автомобиль ва уни олиб қочган шахс 1990 йилда туғилган З.М. “Қамчиқ” довонидаги “Наманган” ЙПХ масканида ушланган.
Мазкур ҳолат юзасидан тегишли ҳужжатлар расмийлаштирилиб, транспорт воситаси ҳамда уни олиб қочган шахс ва унинг йўловчиси Миробод тумани ИИО ФМБ ходимларига топширилган.
Изоҳ (0)