Тошкент вилояти, Янгийўл тумани ҳудудидан ўтувчи М-39 Тошкент-Термиз халқаро автомобиль йўлининг 828-километрида 10 январь куни соат 10:30 ларда Mazda автомашинаси ёниб кетди. Бу ҳақда Тошкент вилояти ИИББ ЙҲХБ матбуот хизмати хабар берди.
Маълум қилинишича, ҳайдовчи 1990 йилда туғилган У.С бошқарувидаги Mazda 6 автомобилининг двигатель ва салон қисмида ёнғин келиб чиққан.
Ҳодиса оқибатида ҳаракат иштирокчиларининг соғлиғига зиён етмаган, транспорт воситаси техник шикастланган.
Ҳолат юзасидан Янгийўл тумани ФВВ томонидан суриштирув ишлари амалга оширилмоқда.
3 ноябрь куни ҳам Қамчиқ довонида юк автомобилида қисқа туташув сабабли ёнғин юзага келганди.
Шунингдек, Қамчиқ довонида 5 ноябрь куни соат 13:30 ларда юк машинаси ёниб кетганди.
Декабрь ойи охирида Қашқадарё ва Тошкентда машиналар ёниб кетганди.
Изоҳ (0)