Тошкент шаҳар Мирзо Улуғбек туманида Orlando русумли транспорт воситаси ёниб кетди. Бу ҳақда ЙҲХБ ахборот хизмати хабар берди.
Унга кўра, 27 февраль куни соат 13:13 ларда Мирзо Улуғбек тумани Мустақиллик шоҳкўчасида Orlando русумли транспорт воситасида ёнғин келиб чиққан.
Ёнғин туман ФВБ ходимлари томонидан бартараф этилган. Ҳодиса натижасида тан жароҳати олганлар қайд этилмаган.
Мазкур ҳолат юзасидан ЙҲХБ ҳамда ФВБ ходимлари томонидан суриштирув олиб борилиб, ёнғин юзага келишининг сабабларига аниқлик киритилмоқда.
Бундан аввалги ҳолатлар
2024 йил 3 ноябрь куни ҳам Қамчиқ довонида юк автомобилида қисқа туташув сабабли ёнғин юзага келганди.
Шунингдек, Қамчиқ довонида 5 ноябрь куни соат 13:30 ларда юк машинаси ёниб кетганди.
Декабрь ойи охирида Қашқадарё ва Тошкентда машиналар ёниб кетганди.
Февраль ойининг 2-санасида Тошкентнинг Янгиҳаёт туманида машина ёниб кетган.
Изоҳ (0)