Қамчиқ довонида қор учгани чиққан икки киши қор уюми остида қолиб вафот этгани ҳақида хабарлар тарқалди. Бош прокуратура матбуот хизмати икки киши ҳалок бўлганини “Дарё”га тасдиқлади.
Поп туман ИИБ навбатчилик қисмининг берган хабарига кўра, 8 январь куни соат 15:30 ларда Фарғона вилояти, Риштон тумани яшаган 1993 йилда туғилган икки нафар эркак Тошкент—Наманган автомобиль йўлининг 141-километрида (Жанубий айланма йўли) жойлашган тоғ тепалигига синфдошлари билан дам олиш мақсадида чиқиб, эҳтиётсизликлари оқибатида тоғ тепалигидан йиқилиб, воқеа жойида вафот этган.
Марҳумларнинг ўлими сабабини аниқлаш мақсадида судга оид тиббий экспертизалар тайинланди.
Мазкур ҳолат юзасидан терговга қадар текширув ҳаракатлари олиб борилмоқда.
Изоҳ (0)