Тошкент ва Наманган вилояти тоғли ҳудудларида 25—28 февраль кунлари қор кўчиши хавфи эълон қилинди. “Ўзгидромет” ахборотига кўра, ушбу саналарда ёғингарчилик ҳамда ҳаво ҳароратининг ўзгариши кутилмоқда.
Шу сабабли республиканинг тоғли ҳудудларида, жумладан:
- Тошкент вилояти Бўстонлиқ, Оҳангарон ва Паркент туманлари (Чотқол тизмаси тоғлари);
- Наманган вилояти Поп туманида қор кўчиши хавфи эълон қилинди.
Тоғли ҳудудларда истиқомат қилувчи фуқаролар, дам олувчилар ҳамда тоғли ҳудудларда ҳаракатланувчи ҳайдовчилардан эҳтиёткорлик чораларини кўриш сўралди.
Юқоридаги ҳудудларда 15—18 февраль кунлари ҳам қор кўчиш хавфи эълон қилинганди. 18 февраль куни Қамчиқ довонида қор кўчкиси юз берди. Эски қор қопламидан ҳажми 154 метр куб бўлган қор кўчкиси тушган. Ҳосида оқибатида ҳеч ким жабрланмаган.
Прогнозларга кўра, дам олиш кунлари кузатилган баҳорий илиқ об-ҳаводан сўнг ушбу ҳафта давомида Ўзбекистон ҳудуди бўйича об-ҳавонинг кескин ўзгариши кутилмоқда. Ҳаво ҳарорати пасаяди, ёмғир ва қор ёғиши мумкин.
Изоҳ (0)