Президентнинг Тошкент вилоятига ташрифи, Диний қўмита раисининг умра лицензияси бўйича 1 млн долларлик шартига изоҳи, Қамчиқ довонида ёғган қор — “Дарё” нашри бугун, 15 октябрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Қамчиқ довонида қор ёғмоқда
Довонда ҳаво булутли бўлиб, ҳарорат 0 даражага тушган.
Бухорода эр хотинини болта билан уриб, унга тан жароҳати етказди
Эр уйида турмуш ўртоғи билан жанжаллашиб, металл дастали болтанинг тиғ қисми билан рафиқасининг бош ва орқа бел соҳасига қасддан уриб, унга оғир шикаст етказган.
“Менинг боғчам” лойиҳаси бўйича овоз бериш бошланди
Жамоатчилик янги қуриладиган ҳамда реконструкция қилинадиган боғчаларга овоз беради.
Тошкентдаги Бобур кўчасида автомобиллар ҳаракати 1 ойга қисман чекланади
Ерости электр узатиш кабел тармоқларини ўтказиш ишлари амалга оширилади.
Йил давомида автобусларда йўл ҳақини тўламасдан юрган йўловчилар сони маълум қилинди
Автобусда йўл ҳақини тўламасдан юрган йўловчилар ҳамда нақд пулда тўловни амалга оширганда чипта тақдим этмаган чиптачилар аниқланиб, уларга нисбатан маъмурий баённомалар расмийлаштирилмоқда.
Шавкат Мирзиёев ОКМК Муҳандислик мактабини бориб кўрди
Бу ерда Германия тажрибаси асосида йилига 480 нафар муҳандис тайёрланади ҳамда минг нафар ходим малакаси оширилади.
Шавкат Мирзиёев Олмалиқда қурилаётган 3-мис бойитиш фабрикасида бўлди
Президент “Ёшлик-1” конидаги қазиш ишларини кўздан кечирди, мутахассислар билан мулоқот қилди.
Транспорт вазирлиги алоҳида ажратилган тасмаси бор йўлларда кучайтирилган рейд тадбирлари ўтказилаётганини маълум қилди
Қонунчиликка кўра, қоидани бузганлар БҲМнинг иккидан бир қисми, яъни 187 минг 500 сўм миқдорида жаримага тортилади.
Тошкент туманидаги икки маҳаллада 97 гектар майдонда индустриал технопарк ташкил қилинади
Президент раислигида Тошкент вилоятини ривожлантириш вазифалари юзасидан йиғилиш бошланди.
Қашқадарёда ҳайдовчи маст одамни уриб юбориб, уни пахта даласига ташлаб кетди
Гумонланувчи процессуал тартибда ушланган ва унга қамоқ эҳтиёт чораси қўлланган.
Диний қўмита раиси умра лицензиясининг 1 млн долларлик шартига изоҳ берди
Содиқжон Тошбоевнинг айтишича, бу катта миқдор эмас.
Тошкент вилояти ҳокимининг қишлоқ хўжалиги бўйича биринчи ўринбосари Ботир Алимбеков лавозимидан озод этилди
Бунга вилоят қишлоқ хўжалигидаги имкониятлардан фойдалана олмагани, тайёр қилиб берилган тизимни ишлата олмагани сабаб бўлган.
“Яратиб берилаётган шароитлар ҳисобига вилоятда камбағал оилалар қолишининг ўзи уят” — президент
Фаолиятидаги камчиликлар ва соҳадаги ишлар қониқарсиз олиб борилаётгани учун Тошкент вилояти ҳокимининг биринчи ўринбосари Эркин Муҳитдинов лавозимидан озод этилди.
Олмалиқ кон-металлургия комбинатида 4-мис бойитиш фабрикаси қурилиши бошланди
Ушбу фабриканинг йиллик ишлаб чиқариш ҳажми 1,9 миллиард долларга етади.
Изоҳ (0)