Андижон шаҳрининг “Пахтаобод” маҳалласи ҳудудидан ўтган А.Йўлдошев кўчасида 9 декабрь куни соат 16:00 ларда Lacetti ёниб кетди. Бу ҳақда вилоят ИИБ ЖХХ ЙҲХБ ахборот хизмати хабар берди.
Маълум қилинишича, 1972 йилда туғилган З.Х. бошқарувидаги Lacetti автомашинасининг олд қисмида электр сим ўтказгичлардан чиққан қисқа туташув оқибатида ёнғин содир бўлган.
Кўрилган тезкор чоралар натижасида ушбу ёнғин шаҳар ФВБ ходимлари томонидан тўлиқ бартараф этилган.
Ҳодиса оқибатида автомашина моддий зарарланган, тан жароҳати олган шахслар мавжуд эмас.
Ҳолат юзасидан шаҳар ФВБнинг масъул ходимлари томонидан суриштирув ишлари олиб борилмоқда.
Изоҳ (0)