Анимацион хит 29 январда экранларга чиқди ва икки ҳафта ичида бир нечта касса рекордларини янгилади — у 1,7 миллиард доллардан ошиқ даромад келтирди. “Нечжа”ни нафақат биринчи Хитой, балки биринчи Голливудга тегишли бўлмаган, энг кўп даромад келтирган фильми сифатида тарихга кирди.
Режиссёр ва сценарий муаллифи Ян Ю томонидан суратга олинган “Нечжа аждарлар шоҳини мағлуб этади” мультфильмининг биринчи қисмда самовий ҳукмдор қандай қилиб қудратли иблисни йўқ қилиб, уни — Руҳ марвариди ва Иблис марваридига бўлиб, нилуфар гулига қамаб қўйгани ҳақида ҳикоя қилинади. Қиёматнинг олдини олиш учун, уларга ўзига хос тақдир ўйлаб топади: эзгулик қисм ерлик ҳукмдорнинг вориси сифатида қайта туғилиши, иккинчиси эса чақмоқ зарбаси билан йўқ қилиниши лозим эди.
Бироқ Нечжа исмли шаҳзода туғилишидан олдин марварид ўғирланади ва унга иблисона ҳислат жойлаштирилади. Ота само илоҳларини ўғлига раҳм қилишга ундайди, чунки у барибир уч йилдан кейин ўлишга маҳкум. Энди бола ўзида яшаётган ёвузликка қарши курашиши ва ундан қўрқиб, нафратланаётганларнинг салбий фикрларига қарши туриши керак. Нечжа эса тақдирига қарши, ўз йўлини танлашга қатъий қарор қилади.
Иккинчи қисмда абадий Руҳ яна Нечжа тақдирига аралашишга қарор қилади, у танасини эмас, балки руҳини сақлаб қолишга муваффақ бўлади. Энди қаҳрамон бошқа қиёфада янги қийинчиликларга дуч келади.
Мультфильмнинг учинчи қисми “Нечжа”нинг сюжети XVI асрда Лу Сисин ва Сюй Чжунлин муаллифлигидаги “Руҳлар даражасига кўтарилиш” романи асосида яратилган. Гарчи ғарб томошабинлари Хитой халқ эртаклари билан яхши таниш бўлмаса-да, бу ҳикояни тўлиқ тушунишга халақит бермайди.
“Нечжа аждарлар шоҳини мағлуб этади” нега бунчалик шов-шувга сабаб бўлди?
Айтиш мумкинки, мультфильм сюжети Осиё фантастикаси ва эртакларига ўхшайди. Тўғри, стилистика кўпроқ дунхуа (хитойча манхуанинг экранлаштирилган вариантлари, бошқача айтганда, аниме турлари шундай номланади)ни эмас, балки Pixar каби АҚШнинг йирик анимация студиялари томонидан белгиланган жаҳон стандартларини эслатади. Ва бу ижодкорларга қўл келди.
Red StarNews нашри мультфильмни яхши сценарий ва махсус эффектлари учун мақтади, шунингдек, тўғри қадриятларни тарғиб қилишни томошабинга ҳурмат сифатида таърифлади. Shangguan News таҳрирчиси эса суспенснинг йўқлигига қарамай, ҳикоянинг давомийлиги изчил ва стилистик жиҳатдан мукаммал эканлигини ёзди.
Роттен Томатоэс сайтида “Нечжа аждарлар шоҳини мағлуб этади”нинг дастлабки рейтинги 99 %ни ташкил этади, худди шундай Хитойнинг Douban Movies фильмида эса 10 баллдан 8,5 баллни, Маоян фильмида 9,7 баллни, Таопиаопиао фильмида эса 9,8 баллни ташкил этди.
Изоҳ (0)