Animatsion xit 29-yanvarda ekranlarga chiqdi va ikki hafta ichida bir nechta kassa rekordlarini yangiladi — u 1,7 milliard dollardan oshiq daromad keltirdi. “Nechja”ni nafaqat birinchi Xitoy, balki birinchi Gollivudga tegishli bo‘lmagan, eng ko‘p daromad keltirgan filmi sifatida tarixga kirdi.
Rejissyor va ssenariy muallifi Yan Yu tomonidan suratga olingan “Nechja ajdarlar shohini mag‘lub etadi” multfilmining birinchi qismda samoviy hukmdor qanday qilib qudratli iblisni yo‘q qilib, uni — Ruh marvaridi va Iblis marvaridiga bo‘lib, nilufar guliga qamab qo‘ygani haqida hikoya qilinadi. Qiyomatning oldini olish uchun, ularga o‘ziga xos taqdir o‘ylab topadi: ezgulik qism yerlik hukmdorning vorisi sifatida qayta tug‘ilishi, ikkinchisi esa chaqmoq zarbasi bilan yo‘q qilinishi lozim edi.
Biroq Nechja ismli shahzoda tug‘ilishidan oldin marvarid o‘g‘irlanadi va unga iblisona hislat joylashtiriladi. Ota samo ilohlarini o‘g‘liga rahm qilishga undaydi, chunki u baribir uch yildan keyin o‘lishga mahkum. Endi bola o‘zida yashayotgan yovuzlikka qarshi kurashishi va undan qo‘rqib, nafratlanayotganlarning salbiy fikrlariga qarshi turishi kerak. Nechja esa taqdiriga qarshi, o‘z yo‘lini tanlashga qat’iy qaror qiladi.
Ikkinchi qismda abadiy Ruh yana Nechja taqdiriga aralashishga qaror qiladi, u tanasini emas, balki ruhini saqlab qolishga muvaffaq bo‘ladi. Endi qahramon boshqa qiyofada yangi qiyinchiliklarga duch keladi.
Multfilmning uchinchi qismi “Nechja”ning syujeti XVI asrda Lu Sisin va Syuy Chjunlin muallifligidagi “Ruhlar darajasiga ko‘tarilish” romani asosida yaratilgan. Garchi g‘arb tomoshabinlari Xitoy xalq ertaklari bilan yaxshi tanish bo‘lmasa-da, bu hikoyani to‘liq tushunishga xalaqit bermaydi.
“Nechja ajdarlar shohini mag‘lub etadi” nega bunchalik shov-shuvga sabab bo‘ldi?
Aytish mumkinki, multfilm syujeti Osiyo fantastikasi va ertaklariga o‘xshaydi. To‘g‘ri, stilistika ko‘proq dunxua (xitoycha manxuaning ekranlashtirilgan variantlari, boshqacha aytganda, anime turlari shunday nomlanadi)ni emas, balki Pixar kabi AQShning yirik animatsiya studiyalari tomonidan belgilangan jahon standartlarini eslatadi. Va bu ijodkorlarga qo‘l keldi.
Red StarNews nashri multfilmni yaxshi ssenariy va maxsus effektlari uchun maqtadi, shuningdek, to‘g‘ri qadriyatlarni targ‘ib qilishni tomoshabinga hurmat sifatida ta’rifladi. Shangguan News tahrirchisi esa suspensning yo‘qligiga qaramay, hikoyaning davomiyligi izchil va stilistik jihatdan mukammal ekanligini yozdi.
Rotten Tomatoes saytida “Nechja ajdarlar shohini mag‘lub etadi”ning dastlabki reytingi 99 %ni tashkil etadi, xuddi shunday Xitoyning Douban Movies filmida esa 10 balldan 8,5 ballni, Maoyan filmida 9,7 ballni, Taopiaopiao filmida esa 9,8 ballni tashkil etdi.
Izoh (0)