Аксарият мультфильмлар аслида биз бир кўришда пайқамайдиган қизиқарли деталларга тўла. Баъзан эса бундай ишораларни топиш учун картинани бир неча марта қайта кўриб чиқиш талаб этилади.
Ғалати ишора
Бундай ишорани кўплаб мультфильмларда кўрган бўлишингиз керак. Жумладан, “Оппоғой ва етти гном”, “Алиса мўжизалар мамлакатида” ва бошқа кўплаб фильмларда. Бу бирор маънони англатадими ёки шунчаки тасодифми? Эҳтимол, қаҳрамонлар шу йўл билан ёвузликдан ўзларини ҳимоя қилишга урингандир. (Мазкур ҳаракат “Sign of the horns” дейилади. Бу баъзан бирор кишига нисбатан ёмонлик ёки алдамчиликни ифодалаш учун ишлатилади.)
“Музюрак 2”
“Музюрак” мультфильмидаги бир саҳнада Анна “Махлуқлар уюшмаси”даги Саллига ўхшаб қўрқитмоқчи бўлади. Салли ўз дунёси аҳолиси учун энергия тўплаш мақсадида болаларни айнан шу тарзда қўрқитар эди.
“Бошқотирма”
“Бошқотирма 2” мультфильмининг бир эпизодида Қувонч Қайғуга Оила оролини кўрсатиш учун дурбин беради. Бу дурбин “Ўйинчоқлар тарихи” мультфильмлар сериясидаги Ленни исмли қаҳрамонга ишора қилади.
“Кун-фу панда 2”
“Кун-фу панда 2” мультфильмида жаноб Пин ресторанига кираверишида ёриқларни кўриш мумкин. Ахир, биринчи қисмда бу арка По билан Тай Лунг ўртасидаги жанг пайтида вайрон қилинган эди. Мультфильм ижодкорлари буни ёддан чиқармай, ҳар бир воқеани ишонарли қилиб тасвирлайдилар.
“Музюрак”
“Музюрак” франшизасининг биринчи қисмида Анна опасига атаб қувноқ қўшиқ куйлайди. Айнан шу кадрда сарой деворида санъат асарларидан бирини кўриш мумкин. У француз рассоми Жан Оноре Фрагонар томонидан 1767 йилда чизилган “Арғимчоқ” сурати эди.
“Геркулес”
Мазкур мутфильм эпизодларидан бирида мультфильм қаҳрамони Аид шундай дейди: “Болалар, тинчланинг. Томоша эндигина ярмига келди” — бу гап роппа-роса 46-дақиқада, яъни 92 дақиқалик мультфильмнинг ўртасида айтилади.
“Тепага”
Қаҳрамонлар саёҳати пайтида Даг тропик қушни излаб топган ягона ит бўлади. Бунинг сабаби, эҳтимол, у ягона ов ити ретривер бўлганидадир. Овда иштирок этаётган бошқа барча итлар эса қўриқчи ит зотларига мансубдир.
“Ўргимчак одам: коинот бўйлаб”
Майлз Моралес Питер Паркерга ток билан зарба берганида унинг асаб тизими ёнгандек кўриниб кетади. Илгари мультфильмларда ток урганини тасвирламоқчи бўлишганда скелет кўрсатиларди. Анатомия нуқтайи назаридан, бу янги усул эскисига қараганда ҳақиқатга яқинроқ.
“Махлуқлар уюшмаси”
Биринчи мультфильмда Салли тасодифан ўғирлаб кетган қизалоқнинг ҳақиқий исмини кўриш мумкин бўлган лаҳза бор. Салли уни Бу деб чақиради, аммо қизалоқ ўз расмларига имзо қўйганида, аслида, унинг исми Мери эканлиги кўринади.
“Аловуддин”
“Аловуддин” мультфильмидаги саҳналардан бирида Аловуддин тасодифан Жасминга олма отгандай бўлади ва малика уни ушлаб олади. Қадимги Юнонистонда қизга олма отиб, қўли сўралган деган ривоят бор. Агар қиз олмани ушлаб олса, бу розилик белгиси.
“Махлуқлар уюшмаси 2”
Махлуқлар дунёсида энергия болаларнинг қичқириқларидан ҳосил қилинади. Бу қичқириқлар махсус идишларда газ ҳолатида тўпланади. Бу ерда энергия газ шаклида бўлгани сабабли чироқ ўчиргичлари вентиляция вазифасини ўтайди, симлар ўрнига эса қувурлар ишлатилади.
Изоҳ (0)