Фарғона вилоятида ўтказилган рейд жараёнида қонун бузилиши ҳолати фош этилди, деб хабар бермоқда “Ҳудудгазтаъминоти” АЖ матбуот хизмати.
Маълум қилинишича, “Й. Х.” МЧЖга қарашли умумий овқатланиш масканида табиий газдан фойдаланиш ҳолати хатловдан ўтказилди.
Ўрганиш жараёнида корхонада носоз газ ҳисоблагич орқали табиий газдан ноқонуний фойдаланиб келгани маълум бўлди.
Ҳолат бўйича тегишли тартибда далолатнома тузилиб, 1 миллиард 151 миллион сўмлик зарар қайта ҳисоб-китоб қилинди. Барча материаллар ҳуқуқни муҳофаза қилувчи органларга юборилди.
Бундай ҳолатлар сони ортиб бормоқда
Аввалроқ Самарқанд вилоятидаги корхоналардан бири 553 миллион сўмлик электрдан ноқонуний фойдалангани аниқланганди. Шу билан бирга, Қашқадарёда 177 млн сўмлик газ ва “свет”дан ноқонуний фойдаланган шахслар ушлангани хабар қилинганди.
Шунингдек, Қашқадарёда электрдан ноқонуний фойдаланган корхона давлатга 1 млрд сўмдан зиёд зарар етказган. Бундан ташқари, Тошкент, Самарқанд ва Қашқадарё вилоятларида энергия ресурсларига ноқонуний уланиш ҳолатлари фош этилганди.
Изоҳ (0)