Навоий вилоятининг Конимех туманида фаолият юритаётган “Г.Р.” МЧЖга қарашли бинода электр энергиясидан ноқонуний фойдаланилди. Бу ҳақда “Ўзэнергоинспекция” ахборот хизмати хабар берди.
Маълум қилинишича, МЧЖ биносида таъминот корхонаси билан шартнома тузилмаган.
Ушбу қоидабузарлик натижасида электр таъминоти корхонасига 644,2 млн сўмлик зарар етказилган.
Мазкур ҳолат юзасидан тегишли ҳужжатлар расмийлаштирилиб, ҳуқуқни муҳофаза қилувчи органларга юборилди.
Бундай ҳолатлар сони ортиб бормоқда
Аввалроқ Самарқанд вилоятидаги корхоналардан бири 553 миллион сўмлик электрдан ноқонуний фойдалангани аниқланганди. Шу билан бирга, Қашқадарёда 177 млн сўмлик газ ва “свет”дан ноқонуний фойдаланган шахслар ушлангани хабар қилинганди.
Шунингдек, Қашқадарёда электрдан ноқонуний фойдаланган корхона давлатга 1 млрд сўмдан зиёд зарар етказган. Бундан ташқари, Тошкент, Самарқанд ва Қашқадарё вилоятларида энергия ресурсларига ноқонуний уланиш ҳолатлари фош этилганди.
Тизимга киринг ёки Рўйхатдан ўтинг.
ёки Э-Почта орқали
Рўйхатдан ўтганмисиз? Login.
ёки Э-Почта орқали
Раҳмат. Биз сизнинг хабарингизни олдик ва хатони имкон қадар тезроқ тузатамиз.
Изоҳ (0)