Бухородаги магистрал газ қувуридан газ сизиб чиқиб, ёнғин содир бўлиши, Тошкент вилоятининг яна бир ҳудудида эшак терилари топилиши, Кинематография агентлиги қарздорлик сабаб “свет”дан узиб қўйилиши — “Дарё” нашри бугун, 10 февралда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Тошкентда BYD катта тезликда автобусга бориб урилди (видео)
Пойтахт ЙҲХБ ҳолат юзасидан маълумот берди.
Навоий вилоятида 2025 йил “Алишер Навоий йили” деб номланди
Шоир ижодини ўрганиш бўйича республика танлови ўтказилади.
Сурхондарёда 13,5 тонна супурги орасига гиёҳванд воситасини яшириб олиб киришга уриниш фош этилди
Яширилган гиёҳвандлик моддасининг қора бозорлардаги нархи тахминан 16,5 миллион доллардан ошади.
Ўзбекистонда барча қурилиш объектларини QR код орқали кузатиш имкони яратилди
QR кодли паспорт жорий этилишидан асосий мақсад фуқаролар томонидан энг кўп бериладиган “кўп қаватли уйлардан хонадон харид қилишда ушбу уй қонуний қурилмоқдами ёки йўқ?” каби саволларга жавобларни қулай тарзда олиш мумкин.
Ўзбекистонда экофаол фуқароларга банклардан истеъмол кредити олишда чегирма берилади
“Экофаол фуқаро” ҳаёт тарзини кенг тарғиб қилишга қаратилган “Бир миллион яшил оила” умуммиллий ҳаракати расман йўлга қўйилади.
Бухородаги магистрал газ қувуридан газ сизиб чиқиб, ёнғин содир бўлди (видео)
Ҳодиса оқибатида тан жароҳати олган ва ҳалок бўлганлар йўқ.
Ўзбекистонда метан заправкалар ҳозирги режимда ишлашда давом этади
Энергетика вазирлиги “Бухоро-Урал” магистрал газ қувуридаги авариядан сўнг заправкалар иш тартиби бўйича изоҳ берди.
Тошкент вилоятининг яна бир ҳудудида эшак терилари топилди (видео)
Гўшт маҳсулотлари далилий ашё сифатида олинган.
Ўзбекистонда январь ойида аҳоли томонидан сезилган инфляция даражаси маълум қилинди
Кутилмаларнинг юқори кўрсаткичи Сирдарё вилоятида кузатилган.
Ўзбекистонда айрим педагогларга ҳар ойлик қўшимча 50 фоиз устама тўланади
Бу бўйича президент фармони қабул қилинди.
Бош прокуратура қуёш панеллари ўрнатилишини назорат қилади
Энергетика вазирлиги ҳокимликлар билан биргаликда панелларни туман ва шаҳарларда ўрнатиш дастурини ишлаб чиқади.
Бухорода фуқаро ўз хонадонида ёввойи шер боласини ноқонуний сақлаб келгани аниқланди
Шер боласи вақтинчалик ҳайвонот боғига жойлаштирилди.
Латвияга ишлашга бориб, оғир касалликка чалинган ўзбекистонлик фуқаро ватанга қайтарилди
У элчихонадан шифохона билан юзага келган муаммоларни ҳал этишда амалий ёрдам беришни сўраган.
Президент бўлажак АЭСда ишлайдиган мутахассисларни ҳозирдан тайёрлаш бўйича топшириқ берди
Шавкат Мирзиёев атом энергетикаси соҳасида амалга оширилаётган ишлар ва келгусидаги устувор вазифалар юзасидан йиғилиш ўтказди.
Ўзбекистонда 2024 йили қанча ҳайдовчи йўл ҳаракатини бузиб, ўзгаларга жабр етказгани очиқланди
Уларга нисбатан жарима ва транспорт воситасини бошқариш ҳуқуқидан маҳрум этиш каби жазолар қўлланилган.
Марказий банк ўнта банкни жаримага тортди
Битта тўлов тизими оператори чора ва санкциялар қўлланилиши тўғрисида огоҳлантирилди.
Кинематография агентлиги қарздорлик сабаб “свет”дан узиб қўйилди
Қарз миқдори 2,7 млрд сўмни ташкил этади.
Изоҳ (0)