Россия ҳозирги газ қазиб олиш даражаси билан 100 йилдан ортиқ захирага, нефть захиралари билан эса тахминан 64,5 йилга таъминланган. Бу ҳақда Россия табиат ресурслар вазири Александр Козлов маълум қилди.
-N_al_HFH.jpg)
Козловнинг сўзларига кўра, Россияда ҳозирда углеводород хом ашёсини геологик ўрганиш, қидириш ва қазиб олиш бўйича 4052 та лицензия мавжуд бўлиб, улар 747 та ер қаъридан фойдаланувчи ўртасида тақсимланган.
“Умуман олганда, Россия қазиб олинадиган табиий газ захиралари билан ҳозирги қазиб олиш даражасида 100 йилдан ортиқ, нефть билан эса тахминан 64,5 йил давомида таъминланган”, деди у.
Вазирлик Россияда дунёдаги барча табиий газ захираларининг тахминан бешдан бир қисми жойлашганини маълум қилди. “Роснедра” маълумотларида бу 63,5 триллион куб метрни ташкил этади. Нефть захиралари бўйича мамлакат бешинчи ўринда, бу рақамларда 31,4 миллиард тоннага тенг.
Россия улкан нефть ва газ захираларига эга мамлакат. Аммо бу захиралар таркибида йилдан йилга қазиб олиш қийин бўлган захиралар (ТРИЗ) улуши ортиб бормоқда. 2024 йилда Энергетика вазирлиги Россиянинг барча нефть ва газ захираларининг 60 фоизини қийин қазиб олинадиган захиралар ташкил этгани, 2030 йилга келиб эса бу 80 фоизга етишини маълум қилганди.
Бу эса нефть ва газ саноати зудлик билан мазкур углеводородларни қазиб олишнинг янги усулларини ишлаб чиқиши ва жорий этиши зарурлигини англатади. Бироқ Молия вазирлигида буни ҳали-ҳануз тушунишни истамаслик ҳолати кузатилмоқда. Бунинг сабаби, ҳозирги солиққа тортиш тизими ва технологиялар ҳамда ускуналарга қарши қўлланилган санкциялар шароитида компаниялар учун бу конларни ўзлаштириш фойдали эмаслиги билан изоҳланади.
Изоҳ (0)